AR-RIYOD
AR-RIYOD (Arabcha Ar-Riyoz — bog’, xiyobon) — Saudiya Arabistonining poytaxti, eng yirik shahri va Najd viloyatining ma’muriy markazi. Aholisi taxminan 2,2 million kishi (1992, shahar atrofi bilan). Shaharning qachon barpo etilgani to’g’risida aniq ma’lumot yo’q. 1821 — 19 asr 2-yarmidan (vaqti-vaqti bilan) Saudiylar davlatining poytaxti, 1902 yildan Najd amirligi, 1927-32 yillarda Hijoz, Najd va boshqa qo’shib olingan viloyatlar, 1932 yildan Saudiya Arabistoni poytaxti. Hozirgi Ar-Riyod —Saudiya Arabistonining yirik sanoat, savdo va madaniy markazi. Ar-Riyodda issiqlik elektr stansiyalari, binokorlik materiallari ishlab chiqaradigan, neftni qayta ishlovchi zavodlar, ko’plab hunarmandchilik korxonalari bor. Qishloq xo’jalik mahsulotlari qayta ishlanadi. Ar-Riyod Dammam porti bilan temir yo’l orqali bog’langan. Havo yo’llari orqali Ar-Riyod mamlakatning yirik shaharlari va bir qancha chet mamlakatlar bilan bog’langan. Shaharda harbiy akademiya, universitetlar, oliy texnika instituti bor.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz