ARDASHER SAYID HASAN (1418 — Hirot — 1489) — turkiy shoir, olim. Ardasherning otasi temuriylardan Boysunqur Mirzo xizmatida ov qushlarini o’rgatuvchi bo’lib, qushbegilik lavozimigacha ko’tarilgan. Shuning uchun Ardasher o’z ismiga “Sayid” laqabini qo’shgan. Arab tili, bade’ilmi, tarix, musiqa nazariyasi, she’r san’atini chuqur bilgan. Turkiy, fors tillarida ijod qilgan. Navoiy bilan Mashhadda tanishgan (1456), uning ijodiy kamolotiga katta ta’sir ko’rsatgan. “Bu faqirg’a ota masoba (daraja)sida erdi”, — deb yozgan edi Navoiy “Majolis un-nafois”da. Shu kitobida Navoiy Ardasher haqida ma’lumot beradi, uning bir qit’a va bir baytini namuna sifatida keltiradi. Ardasher ijodidan boshqa asarlari bizgacha yetib kelmagan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish