ARAFOT YOSIR

ARAFOT YOSIR (haqiqiy ismi va familiyasi — Muhammad Abdul Rauf Arafot al-Kudva al-Husayn, taxallusi Abu Ammar) (1929.4.8, Quddus shahri) — Falastin qarshilik ko’rsatish harakati arbobi. 1953 yil Qohira universitetini, 1956 yil Qohiradagi harbiy akademiyani tugatgan; kasbi quruvchi-muhandis. 1952 — 56 yillarda Falastin talabalari uyushmasi raisi. Angliya-Frantsiya-Isroilning Misrga qarshi tajovuzi (1956) da Falastin qo’shilmalari tarkibida janglarda qatnashgan. “Falastin milliy ozodlik harakati” (“Fath”) tuzuvchilaridan (1950-yillar) biri va rahbari. 1969 yil Fevraldan Falastin ozodlik tashkiloti ijroiya qo’mitasi raisi; ayni paytda 1970 yildan Falastin qarshilik ko’rsatish harakati qurolli kuchlari bosh qo’mondoni. 1989 yildan Falastin davlati prezidenti. 1994 yil sentabrda O’zbekiston Respublikasida bo’lgan. Nobel tinchlik mukofoti laureati (1994).

Manba

O'zbekiston Milliy Ensiklopediyasi