APOLLON

---

APOLLON — yunon mifologiyasi va dinida Olimp xudosi, Zevs va Letoning o’g’li, shifo baxsh etuvchi, sohibkaromat va san’at homiysi. Apollonga sig’inish kichik Osiyoda boshlanib, miloddan avvalgi 2-ming yillikda Yunonistonga, u yerdan Rimga tarqalgan. Dastlab cho’ponlar homiysi, olmazorlar xudosi deb tanilgan. Uni she’riyat va musiqa homiysi sifatida ham e’zozlashgan. Qadimgi yunon san’atida Apollon qo’lida o’q yoy yoki musiqa asbobi ushlagan yosh yigit qiyofasida tasvirlangan.

Manba

---

O'zbekiston Milliy Ensiklopediyasi