ANOA

---

ANOA (Anoa depressicornis), pakana buyvol — yovvoyi qoramolning bir turi. Juft tuyoqlilar turkumiga mansub. Faqat Sulavesi orolidagi tekislik va tog’ o’rmonlarida yashaydi. Anoa shoxlari to’g’ri, qisqa, buyvolga o’xshab ketadi, lekin undan kichikroq; gavdasining uzunligi 1,7 metr, bo’yi 1 metr, rangi to’q qo’ng’ir, boshi, bo’yni va oyoqlarida oq dog’lari bor. Ilgari go’shti, terisi uchun ovlangan. Soni keskin kamayib ketganligi tufayli Xalqaro qizil kitobga kiritilgan.

Manba

---

O'zbekiston Milliy Ensiklopediyasi