ANGREN GRES

ANGREN GRES, Angren issiqlik elektr stantsiyasi — O’zbekiston energetika tizimidagi yirik inshoot. Angren shahri yaqinida 1957-63 yillarda qurilgan. Stansiyada har birining quvvati 60,5 MVt bo’lgan 8 turboagregat bor. O’rnatilgan quvvati 484 MVt. Asosiy yoqilg’isi — Angren ko’mir konidan qazib olinadigan qo’ng’ir ko’mir. GRES Ohangaron daryosidan suv bilan ta’minlanadi, Olmaliq — Ohangaron sanoat zonasiga hamda Toshkent viloyatidagi xo’jaliklar va sanoat korxonalariga elektr energiyasi yetkazib beradi. O’zbekiston, Tojikiston, Turkmaniston, Qirg’iziston va Qozog’istonning Janubdagi viloyatlarini birlashtirgan O’rta Osiyo Birlashgan energetika sistemasiga ulangan.

Manba

O'zbekiston Milliy Ensiklopediyasi