ANDAZA (forscha — o’lchov, qolip) — namuna, nusxa. Qog’oz, karton va hokazolardan maxsus tayyorlanadi. Matodan kiyim, charmdan poyabzal bichish kabi ishlarda shakl ko’chirish uchun ishlatiladi. Andazaning turlari ko’p. Chunonchi: a) libos da old Andaza, orqa Andaza, eng Andaza, yoqa Andaza, ko’krak Andaza; 6) poyabzalda qo’nj Andaza, sog’ Andaza, betlik (bosh) Andaza, gulchin Andaza, tagcharm Andaza, poshna Andaza va hokazolar. Andaza olish, tayyorlash yoki Andazalash — kiyim bichiladigan gazlamaning ustiga Andaza shaklini tushirish; Andaza qirqish — belgilangan chiziqlar ustidan qaychi bilan qirqish. Kashtachilikda qog’oz yoki kartondan chizmakash, rassom chizgan naqshga muvofiq qirqib tayyorlangan gul ham Andaza deb ataladi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish