Anastasia Rodionova

Anastasiya Ivanovna Rodionova (ruscha: Анастасия Ивановна Родионова; 1982-yil 12 -mayda tugʻilgan) — rossiyalik professional tennischi.

Rodionova WTA turnirida 11 ta juftlik, shuningdek, ITFda 8 ta yakkalik va 13 ta juftlik bahslarida gʻolib chiqdi. 2010-yil 16-avgustda u oʻzining faoliyatidagi eng yuqori yakkalik reytingida 62-oʻrinni egalladi. 2014-yil 8-sentyabrda u juftliklar reytingida 15-oʻrinni egalladi.

Uning faoliyatidagi eng katta yutuqlari juftlik bahslarida, 2003-yilda Wimbledon chempionatida finalga qadar yetib borgan va 2010-yilgi AQSh ochiq chempionatida ayollar oʻrtasidagi juftlik musobaqasida Cara Black bilan yarim finalga chiqqan boʻlgan.

Rodionova WTA tarixida 2007-yilgi Gʻarbiy va Janubiy ochiq chempionatida tomoshabinlarga qarata toʻp uloqtirganidan soʻng, turnirda ishtirok eta olmagan ikki oʻyinchidan biri.

Biografiyasi

Rodionova 7 yoshida tennis oʻynashni boshlagan, ammo u tennis bilan ancha oldin tanishgan. Uning otasi Ivan havaskor oʻyinchi boʻlgan, shuning uchun Rodionovaning aravachasida oʻyinchoqlar oʻrniga tennis toʻplari bor edi. Otasi unga 18 yoshiga qadar unga murabbiylik qildi. U 2005-yildan beri Melburnda istiqomat qiladi. Uning singlisi Arina ham 2004-yildan buyon professional tennischi.

Tennisdagi faoliyati

2008-yil may oyida jarohatlar koʻp boʻldi, bu esa yilning qolgan qismini sezilarli darajada qiyinlashtirdi. Jarohat uni juftlik bahslarida unchalik cheklamadi va u Moskva ITF musobaqasida chorak finalga, Nyu-Xeyvenda yarim finalga, AQSh ochiq chempionatining uchinchi bosqichiga va Guanchjouda yarim finalga chiqdi.

Shunday qilib, Rodionova 2003-yil Wimbledondan beri olgan jarohatini davolash uchun 2008-yil sentyabr oyida Melburnda operatsi qildirdi.

WTA 125 turniri finali

Faoliyat statistikasi

Manbalar

uz.wikipedia.org