Amyen

Amiens (talaffuzi: Amyen) Fransiyaning Pikardiya mintaqasida joylashgan shahardir. Somme departamenti Amiens tumani tarkibiga kiradi. Somma daryosi boʻyida joylashgan. Somma departamentining maʼmuriy markazi va Pikardiya tarixiy oʻlkasining eng katta shahri. Temir yoʻl tuguni. Toʻqimachilik sanoati (ip-gazlama, duxoba va trikotaj toʻqish), metallurgiya, mashinasozlik va kimyo zavodlari bor. Qadimda Amiensda gallarning ambian qabilasi (shahar nomi shundan) yashagan. Amiens tarixiy voqealarga boy. Shahar Ikkinchi jahon urushi davrida qattiq shikastlangan. Uni qayta tiklashda tarixiy qiyofasi asrab qolingan. Fransiyada eng katta Notr-Dam gotika sobori (13-15-asrlar) hamda 13-18-asrlarga oid boshqa meʼmoriy yodgorliklar saqlangan.

Aholisi

135.501 nafar aholi istiqomat qiladi (1999). Aholi zichligi — har kvadrat kilometrga 2737,4 nafar kishi.

Geografiyasi

Maydoni — 49,5 km. Dengiz sathidan 14 — 106 m balandlikda joylashgan.

Tasvirlar

Amiens sobori

Harbiy qabriston

Ratusha

Ratusha

Jules Verne yashagan uy

Jules Verne yashagan uy

Beffrua

Beffrua

Manbalar

uz.wikipedia.org