Amir Abrashi

Amir Malush Abrashi (1990-yil 27-martda tugʻilgan) — albaniyalik professional futbolchi, Shveysariyaning „Grasshoppers“ klubi va Albaniya terma jamoasida yarim himoyachisi sifatida oʻynaydi.

Klublardagi faoliyati

Ilk faoliyati

Abrashi Shveysariyaning Bischofszell shahrida tugʻilgan. Ota-onasi alban, Kosovoning Gjakova shahridan. Amir tugʻilishidan oldin Shveysariyaga koʻchib oʻtishgan. Faoliyatini 2002-yilda 12 yoshida oʻzining tugʻilgan shahri „FC Bischofszell“ klubida boshlagan. Bir yil oʻtgach, „Weinfelden-Bürglen“ klubiga koʻchib oʻtdi va u yerda ikki yil faoliyat oʻtkazdi. Keyin yana oldingi klubi „FC Bischofszell“ga qaytdi. Biroq, qaytib kelganidan bir oy oʻtgach, 16 yoshida Abrashi oilasi bilan Winterturga koʻchib oʻtdi va u mahalliy „Wintertur“ klubiga qoʻshildi.

Wintertur

Zaxira jamoasi
Yosh toifadagi jamoalari bilan ajoyib oʻyin koʻrsatganidan soʻng, Abrashi birinchi marta 2006—2007-yilgi mavsum oxirida zaxiraga chaqirildi va debyutini 2007-yilning 16-mayida GC Biaschesi qarshi oʻyinda oʻtkazdi. Oʻn kundan soʻng FC Chur 97ga qarshi oʻyin uchun tarkibga kiritilgan edi. Safarda jamoasi 3:2 hisobida gʻalaba qozondi. Oʻrinbosarlar jamoasidagi ilk mavsumini 14 oʻyinda ikkita gol urib yakunladi.

Katta toifadagi jamoa
Abrashining oʻrinbosarlar jamoasidagi ajoyib oʻyini asosiy jamoa ustozi Matias Waltherning eʼtiborini tortdi, 18 yoshli futbolchini 2008-yilning 27-aprelida „La Chaux-de-Fonds“ga qarshi oʻyin uchun oʻz tarkibiga kiritdi. Abrashi 67-daqiqada maydonga tushdi. Safarda jamoa 1:0 hisobida magʻlub boʻldi.

Abrashi 2008—2009-yilgi mavsumda 24 ta oʻyin oʻtkazgan va bir marta gol urdi. Bu gol 2008-yilning 8-avgustida La Chaux-de-Fonds mehmoni boʻlib oʻtgan oʻyinda (0:2) kiritilgan. 2009—2010-yilgi mavsumda ham oʻz oʻrnini saqlab qoldi, ligada 28 oʻyin oʻtkazdi va 3 gol urdi, Wintertur chempionatda 3-oʻrinni egalladi.

Abrashi ligada 55 ta liga va 3 ta kubok oʻyinida maydonga tushib, 5 ta gol urdi. Keyin „Grasshopper Club Zürich“ ga yoʻl oldi.

Grasshoppers

2010-yil iyul oyida Abrashi „Grasshopper Club Zürich“ga bir yillik ijaraga yuborildi.

Abrashi 17-oktabr kuni Shveysariya kubogi 2-turida Gumefens/Sorensga 0:12 hisobidagi gʻalabali oʻyinda „Grasshopper“dagi birinchi golini urdi. Grasshopper bilan birinchi mavsumida barcha musobaqalarda 33 ta oʻyinda, jumladan ligada 27 ta oʻyin oʻtkazib, 4 ta gol urdi. Jamoa chempionatda 7-oʻrinni egalladi.

SC Freiburg

2015-yil 3-iyunda Abrashining SC Freiburg jamoasiga oʻtish muzokaralari muvaffaqiyatli yakunlagani eʼlon qilindi. Klub bilan uch yillik shartnoma imzoladi va 6-raqamli futbolkani oldi.

1. FC Nürnbergga qarshi oʻyinda toʻliq 90 daqiqa oʻynadi va jamoa 6:3 hisobida gʻalaba qozondi. Jamoadagi ilk golini 11-sentabr kuni „Freiburg“ning „1. FC Kaiserslautern“ga qarshi uchrashuvida (2:0) kiritdi. Keyinchalik jamoaning yarim himoyasidagi muhim oʻyinchiga aylandi, butun mavsum davomida 33 liga oʻyinida ishtirok etdi, jamoa ligada gʻalaba qozonib, Bundesligaga chiqishdi.

Bazel klubiga ijara
2021-yilning 27-yanvarida Abrashi Shveysariyaning „Bazel“ klubiga ijaraga oʻtdi.

Grasshoppersga qaytish

2021-yil 23-iyunda Amir ikki yillik shartnoma asosida Grasshoppersga qaytdi.

Xalqaro faoliyati

Shveysariya

Amir Abrashi Shveysariya yoshlar terma jamoasida jami 40 dan ortiq oʻyin oʻtkazgan.

Albaniya

Albaniya terma jamoasi futbolchisi boʻlish uchun nafaqat Abrashining oʻzi, balki Kosovodan boʻlgan ota-onasi ham Albaniya pasportiga ariza topshirishlari kerak edi. 2013-yilning 24-mayida Abrashi oʻsha paytdagi albaniyalik toʻrt nafar xalqaro oʻyinchi: Jürgen Gjasula, Ilir Berisha, Azdren Llullaku va Vullnet Basha bilan birga Albaniya fuqaroligini oldi.

2016-yil 21-may kuni Abrashi Albaniyaning UEFA Yevro-2016 uchun dastlabki 27 kishilik tarkibiga kiritildi. Abrashi A guruhidagi barcha oʻyinlarda toʻliq oʻynadi

Faoliyat statistikasi

Klublarda

27-yanvar, 2021-yilgi holat boʻyicha[20][21][22][23]

Xalqaro

25-mart, 2019-yilgi holat boʻyicha[21][24]

Ballar va natijalar birinchi boʻlib Albaniyaning gollari roʻyxatini koʻrsatadi, ballar ustuni Abrashining har bir golidan keyin ochkoni koʻrsatadi .