AMINOQANDLAR, aminodezoksiqandlar — molekulasidagi bir yoki bir necha gidroksil guruhlar (aldozalardagi yarimasetil yoki ketozalardagi yarimketaldan tashqari) o’rniga almashingan yoki almashinmagan aminoguruhlar kiritilgan monosaxaridlar. Aminoqandlar qaytaruvchilar bo’lib, qandlarga xos reaktsiyalarga kirishadi, lekin asoslar xossalarini namoyon qiladi. Ular tabiatda keng tarqalgan, hayvonlar, o’simliklar va mikroorganizmlarning murakkab oqsillari, lipidlar, polisaxaridlar, glyukozalar va b. tarkibida uchraydi, ko’pgina gormonlar, antibiotiklar va boshqa biologik muhim moddalar tarkibiga kiradi. Aminoqandlardan glyukozamin va galaktozaminlar keng tarqalgan. Ko’p Aminoqandlar sintetik usulda olingan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish