Amin Xonim

Hojiya Seyyida Nosrat Begim Amin , shuningdek, Banu Amin , Amin Xonim bilan ham tanilgan (1886-1983), Eronning 20-asrning eng koʻzga koʻringan ayol huquqshunosi, ilohiyotshunosi va buyuk musulmon tasavvufchisi, Mujtahid xonim edi. U koʻplab ijtihod ijozatlarini jumladan, Oyatulloh Muhammad Kozim Husayniy Sheroziy (1873-1947) va Qum diniy seminariyalari asoschisi Oyatulloh Orif (1859-1937)dan (ruxsatlarini) olgan.

Shuningdek, u ayol va erkak olimlarga, jumladan Sayyid Mar’ashi Najafiyga ham koʻplab ijtihod ijozatlarini bergan.

U islom ilmlariga oid bir qancha kitoblar, jumladan, 15 jildlik tafsir yozgan va 1965-yilda Isfahonda „Maktab-e Fotima“ nomli maktab tashkil qilgan. Maktab tashkil etilganidan 1992-yilgacha Banu Aminning eng koʻzga koʻringan shogirdi Zinah as-Sadat Humoyuniy (1917-yilda tugʻilgan) tomonidan boshqarilgan. 1992-yildan keyin Humoyuniyning qarindoshi Haj Aqa Hasan Imomiy direktorlik lavozimini egalladi.

Banu Amin savdogar oilasida tugʻilgan. Nusrat Aminning eri uning amakivachchasi Hoj Mirzo edi, u Muin at-Tujjar nomi bilan ham tanilgan. Uning otasi Hoj Sayyid Muhammad Ali Amin at-Tujjor nomi bilan mashhur. Uning singlisi Hoshimiya at-Tujjorning oʻzi ham mujtahid boʻlib, fiqh va usul ilmida ijtihod darajalarini olgan. Bundan tashqari, Nusrat Aminning Iffat az-Zamon Amin (1912-1977) ismli jiyani bor edi, u oʻzining eng koʻzga koʻringan shogirdlaridan biri boʻlgan va Oyatulloh Mahmud Hoshimiy tomonidan Najafda rivoya ijazasini olgan.

Banu Aminning sakkiz farzandi bor edi, ulardan faqat bittasi omon qolgan (Sayyid Muhammad Ali Mu’in Amin). U Isfahondagi Taxt-e Fulad qabristoniga dafn etilgan.

Ishlari

Trjimai holi va hujjatlari

Yana qarang

Manbalar

uz.wikipedia.org