AMFORA (lotincha amphora, Yunoncha amphoreus — so’zidan: amphi — ikki tomondan, phero — ko’tarib boraman) — antik davrda ishlatilgan yuqori qismi keng, tag qismi va og’zi tor, ikki dastali, sopol, ba’zan metalldan tayyorlangan idish. Vino, yog’saqlash va tashishda, ba’zan ziyofatlarda bezatilgan Amfora turlaridan foydalanilgan. Bo’yama naqshlar, tasvirlar bilan bezatilgan, qadimgi va klassisizm davriga oid Amforalar badiiy qimmatga ega. Arxeologik qazilmalar O’rta Osiyo hududida ham (jumladan, Surxondaryo hududida topilgan, miloddan avvalgi 3-2 asrga mansub) Amforasimon idishlar tayyorlanganligini ko’rsatadi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish