AMERIKA-MEKSIKA URUSHI (1846-48) — AQShning Meksikaga qarshi olib borgan bosqinchilik urushi. AQShning Janubdagi plantator-quldorlar Meksikaning Texas shtatiga kuchib o’tganlar va Meksika hukumatiga qarshi isyon ko’targanlar (1835) hamda Texasni “mustaqil” davlat deb e’lon qilganlar (1836). 1845 yilga kelib, AQSh Texasni o’z shtatlari tarkibiga qo’shib olishga erishdi, bu 1846-48 yil urushini keltirib chiqardi. AQSh bosqinchilari Meksika qo’shinlarini tor-mor qilib, 1847 yil sentabrda mamlakat poytaxti Mexikoni oldilar. 1848 yil 2 Fevralda Guadalupe-Idalgoda sulh shartnomasi tuzildi, unga muvofiq AQSh Meksika yerlarining deyarli yarmini (Texas, yangi Meksika, Arizonaning bir qismi, yuqori Kaliforniyani) o’ziga qo’shib oldi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish