AMARAVATI
AMARAVATI — Hindistondagi shahar, Maharashtra shtatining shimoliy- sharqida. Aholisi 434 ming kishi (1991). Paxtachilik rayonnining savdo markazi. Paxta tozalash, yog’ zavodlari, Amaravatining yo’ldosh shahri Badnerada ip gazlama korxonasi bor. Hindistonda qadimda eng katta memorial inshoot hisoblangan stupaning qoldiklari saqlangan (dastlabki binosi miloddan avvalgi 2-asrda qurilgan). Amaravatida ishlangan relyeflar mashhur.
Manba
O'zbekiston Milliy Ensiklopediyasi
Uzpedia.uz