Amadu Ba
Amadou Ba (1961-yil 17-mayda tugʻilgan) – ota-onasi gvineyalik boʻlgan senegallik siyosatchi. U 2022-yil 17-sentabrda Senegal bosh vaziri etib tayinlangan. 2019—2020-yillarda Senegal tashqi ishlar vaziri lavozimida foliyat yuritgan. 2013—2019-yillarda Moliya va iqtisodiyot vaziri boʻlgan.
U 2011, 2012 va 2013-yillarda New African jurnali tomonidan eng nufuzli 100 ta afrikaliklardan biri sifatida qayd etilgan.
Yoshligi va taʼlimi
1980-yilda menejment boʻyicha texnik bakalavr darajasiga erishgan. 1988-yilda Milliy boshqaruv va magistratura maktabining (ENAM) iqtisod fanlari boʻyicha korporativ boshqaruv va soliqlar va mulklar boʻyicha chuqurlashtirilgan holda magistrlik darajasi diplomini olgan.
Karyerasi
Amadou Ba 1989-yilda Diurbelda stajyor-inspektor boʻlgan. Keyin Dakardagi Soliq va mulk Bosh boshqarmasida (DGID) qoʻshilgan qiymat soligʻi birinchi boʻlimining bosh inspektori lavozimida ishlagan. 1991-yilda Parij va Baltimordagi xalqaro maʼmuriyat institutida qoʻshimcha malaka oshirgan.
1990-yildan 1992-yilgacha u Dakar-Plato boʻyicha bosh inspektor boʻlgan. Keyin 1994-yilgacha Sugʻurta direksiyasida sugʻurta boʻyicha nazorat komissari lavozimini egallagan, soʻngra tekshirish va fiskal tekshiruvlar direksiyasida tekshirish inspektori boʻlib ishlagan.
Bu lavozimlar bilan bir qatorda, Amadou Ba 1992-yilda ENAMda soliqlar va mulk boʻlimida va 1995-yildan 2000-yilgacha COFEB/BCEAO da dars bergan.
2013-yil 2-sentabrda Aminata Ture bosh vazir boʻlgach, Amadou Ba Amadu Keyn oʻrniga Moliya va Iqtisodiyot vaziri etib tayinlandi. 2023-yil 9-sentabrda u Prezident Macky Sall tomonidan 2024-yilgi prezidentlik saylovlari uchun Benno Bokk Yakaar (BBY) koalitsiyasining nomzodi etib saylandi.
Boshqa lavozimlari
Shaxsiy hayoti
Amadou Ba uylangan va uch farzandi bor.
Manbalar
uz.wikipedia.org