ALYUMINIYLASH
ALYUMINIYLASH, alitirlash -yuqori temperaturada ishlatiladigan po’lat va cho’yan buyumlarning sirtqi qatlamini 0,02—1,2 millimetrgacha alyuminiyga to’yintirish. Ularning 1100° temperaturagacha kuyindi bardoshliligini va oksidlanishga qarshilik xossasini oshirish maqsadida qilinadi. Bunda alyuminiy oksidlanib, buyumni keyingi oksidlanishdan saqlaydigan oksid parda (A12O3) hosil qiladi. Asosan, kam uglerodli, kamdan-kam hollarda esa o’rtacha uglerodli po’lat, kulrang cho’yan va issiqlik ta’siriga chidamli legirlangan po’lat buyumlar alyuminiylanadi. Bundan tashqari, Alyuminiylashning metallash (detal sirtiga alyuminiy kukuni surkalib, diffuzion yumshatiladi); bo’shatish (detal alyuminiy bo’yog’i bilan bo’yab, diffuzion bo’shatiladi); 700-800° temperaturali alyuminiy eritmasida tutib turish va boshqa usullari bor. Avtomobil dvigatellarining klapanlari, gaz turbinalarining kurak hamda soplolari va boshqalarni tayyorlashda Alyuminiylashdan foydalaniladi.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz