Alper Uçar
Alper Uçar (talaffuzi: Alper Uchar; 1985-yil 19-yanvarda tugʻilgan) — Turkiya vakili sifatida muz ustida raqs musobaqalarida qatnashgan sobiq muz raqqosi. Konkida uchish boʻyicha sherigi Alisa Agafonova bilan birga ikki marta Qishki Olimpiya oʻyinlarida (2014 va 2018) ishtirok etgan va sakkizta xalqaro medalni qoʻlga kiritgan, shu jumladan 2011-yilgi qishki Universiadada kumush va Xalqaro konkida uchish ittifoqi tomonidan oʻtkazilgan musobaqalarida uchta medal sohibi boʻlgan. Juftlik olti marta Yevropa chempionati va toʻrt marta Jahon chempionatida ishtirok etgan.
Faoliyatining boshida Uçar yakka holda konkida uchish boʻyicha musobaqalarda ishtirok etgan. U 2005-yili Turkiya milliy chempionatining oltin medal egasi va o‘smirlar o‘rtasida to‘rt karra mamlakat chempioni boʻlgan.
Faoliyati
Agafonova bilan birinchi uch mavsum
Uçar 2010-yilda ukrainalik Alisa Agafonova bilan juftlikda Turkiya terma jamoasi vakili sifatida musobaqalarda qatnashgan. Ular 2011-yilgi qishki Universiada turnirida kumush medalni qoʻlga kiritigan.
Agafonova / Uçar juftligi 2012-yilda Angliyaning Sheffild shahrida boʻlib oʻtgan Yevropa chempionatida 26-oʻrinni, 2012-yili Fransiyaning Nice shahrida boʻlib oʻtgan Jahon chempionatida 31-oʻrinni egallagan.
Agafonova/Uçar juftligiga dastlab Konnektikut shtatining Stamford shahrida Natalya Dubova va Oleg Voyko murabbiylik qilgan. Juftlik 2012-yilning dekabr oyida murabbiylarini almashtirib, Rossiyaning Moskva shahriga koʻchgan holda, murabbiylar Aleksandr Julin va Oleg Volkov qoʻl ostida musobaqalarga tayyorgarlik koʻra boshlagan. Juftlik 2013-yilda Xorvatiyaning Zagreb shahrida bo‘lib o‘tgan Yevropa chempionatida 13-o‘rindan, 2013-yilda Kanadaning Ontario shahrida bo‘lib o‘tgan Jahon chempionatida 28-o‘rindan joy olgan.
2013 — 2014-yilgi mavsum
Agafonova / Uçar juftligi oʻz mavsumini 2013 Nebelhorn Trophy turnirida boshladi, bu oxirgi Olimpiya uchun saralash turniri edi. Juftlik 5-o‘rinni egallab, muz ustida raqs bo‘yicha Olimpiadada qatnashish uchun Turkiya vakili sifatida yoʻllanma olgan. Juftlik 2013 NRW Trophy musobaqasida kumush medalni qoʻlga kiritgan.
Agafonova / Uçar juftligi 2014-yilda Vengriyaning Budapesht shahrida bo‘lib o‘tgan Yevropa chempionatida 17-o‘rinni egallagan. Fevral oyida ikkalasi 2014-yil Rossiyaning Sochi shahrida boʻlib oʻtgan Qishki Olimpiya oʻyinlarida ishtirok etgan. Juftlik 2014-yil mart oyida Yaponiyaning Saitama shahrida bo‘lib o‘tgan Jahon chempionatida 20-o‘rindan joy olgan.
Dasturlari
Agafonova bilan
Natijalari
GP: Gran-pri ; CS: Challenger seriyasi ; JGP: Oʻsmirlar oʻrtasidagi Gran-pri
Agafonova bilan muz raqsi
Manbalar
uz.wikipedia.org