Almuth Schult

Almuth Schult (1991-yil 9-fevralda tugʻilgan) — nemis futbolchisi, „Angel City“ va Germaniya terma jamoasida darvozabon sifatida oʻynaydi.

Jamoalardagi faoliyati

Besh yoshida Schult oʻz faoliyatini mahalliy „FC SG Gartow“ futbol klubida boshlagan, 2007-yilda „Hamburger SV“ga oʻtgan. U 2008-yilda „Magdeburger FFC“ga qoʻshildi va u yerda uchinchi darajali Regionalligada oʻynadi. Magdeburgda Schult muntazam asosiy tarkib oʻyinchisiga aylandi va jamoasi bilan 2-oʻringa koʻtarildi. 2011-yilda Schult Bundesliga vakili „SC 07 Bad Neuenahr“ bilan uch yillik shartnoma imzoladi. 2013-yilda u Bundesliga va UEFA ayollar chempionlar ligasi chempioni „VfL Wolfsburg“ bilan ikki yillik shartnoma imzoladi.

Xalqaro faoliyti

Schult Germaniya terma jamoasi bilan 2008-yilgi 17 yoshgacha ayollar oʻrtasidagi „Jahon chempionati“da ikkita oʻyinda qatnashib, uchinchi oʻrinni egalladi. Ikki yil oʻtgach, u 2010-yilgi 20 yoshgacha ayollar oʻrtasidagi „Jahon chempionati“da Germaniya terma jamoasining birinchi tanlangan darvozaboni boʻldi va jamoa gʻalaba qozondi. Turnir Germaniyada oʻz maydonida oʻtkazildi.

Schult Germaniya terma jamoasining 2011-yilgi ayollar oʻrtasidagi jahon chempionatidagi uchinchi darvozaboni sifatida chaqirilgan edi. Uning jamoadagi debyuti 2012-yilning 15-fevralida Turkiyaga qarshi oʻtkazilgan.

Nadine Angerer nafaqaga chiqqanidan soʻng, Germaniya terma jamoasining asosiy darvozaboni sifatida Schultning birinchi yirik turniri 2016-yilgi Yozgi Olimpiada oʻyinlarida boʻlib oʻtdi, u yerda u har bir oʻyinda oʻynadi. Germaniya bilan ayollar olimpiadasi futbolida birinchi oltin medalni qoʻlga kiritdi.

Yutuqlari

VfL Wolfsburg

Germaniya

Germaniya U20

Germaniya U17

Shaxsiy yutuqlari

Manbalar

Havolalar

uz.wikipedia.org