ALMAT
ALMAT — Rossiya Federatsiyasining Tatariston Respublikasidagi shahar (1953 yildan). Zay daryosi (Kama irmog’i) ning chap sohilida. Minnibayevo temir yo’l stantsiyasidan 18 kilometr shimoliy-Sharqda. Chistopol, Bugulma va boshqa shaharlar bilan avtomobil yo’li orqali bog’langan. Aholisi 133 ming kishi (1992). 1950 yilda neft koni yaqinida shaharcha sifatida paydo bo’lgan. Almat — Tataristondagi neft sanoatining muhim markazi. Neft va gaz qazib olinadi. Neft qazib chiqarish sanoati uchun mashina va jihozlar ishlab chiqariladi. Gazni qayta ishlash, shina tuzatish, avtotraktor tuzatish, temir-beton konstruktsiyalari, yog’ochsozlik, g’isht zavoddlari, drama teatri bor. Almat yirik neft quvurining boshlang’ich punkti.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz