Allisha Gray
Allisha Gray (1995-yil 12-yanvarda tugʻilgan) — Ayollar Milliy Basketbol Assotsiatsiyasining (WNBA) Dallas Wings va Elitzur Ramla jamoalarida oʻynagan amerikalik professional basketbolchi. U 2020-yilgi yozgi Olimpiya oʻyinlarida ayollar oʻrtasidagi 3x3 basketbol oʻyinida oltin medalni qoʻlga kiritdi.
U Shimoliy Karolina Tar Heels va Janubiy Karolina Gamecocks uchun kollej basketboli jamoasida oʻynagan. 2017-yilgi WNBA draftida Wings jamoasi tomonidan umumiy hisobda 4-oʻrinda jamoaga chaqirilganidan soʻng, Gray tezda oʻz muxlislarini hayratda qoldirdi va WNBA yilning eng yaxshi yangi oʻyinchisi mukofotini qoʻlga kiritdi.
Oliy maktab faoliyati
U AQShning 18 yoshgacha boʻlgan basketbol jamoasi va 3-ga-3 jamoasining aʼzosi boʻlgan. Uch marta 3A shtatining eng yaxshi oʻyinchisi deb topilgan. Oʻsmirlik davrida Gray 2-oʻringa chiqish yoʻlida oʻrtacha 32,0 ball va 8,5 ribaund toʻpladi. Keyin tizzasidan olgan jarohati tufayli katta mavsumining koʻp qismini oʻtkazib yubordi.
Kollej jamoasidagi faoliyati
Merilend, Kentucky, Janubiy Karolina va boshqa jamoalardan takliflar olgandan keyin u murabbiy Silviya Xetchell qoʻl ostida oʻynash uchun Shimoliy Karolina jamoasiga borishni tanladi. Chapel Hillda ikki yilini oʻtkazgach, Gray hayratlanarli tarzda transferini eʼlon qildi. Keyin uning transferi sababi UNCning sport-akademik mojarosi bilan bogʻliqligi eʼlon qilindi. Gray oʻzining birinchi mavsumidayoq milliy chempionlikni ham qoʻlga kiritdi.
Shimoliy Karolina va Janubiy Karolina statistikasi
Manba
Professional faoliyati
WNBA
Janubiy Karolina jamoasini NCAA chempionatiga olib borishga yordam berganidan soʻng, Gray 2017-yilgi WNBA chempionatida qatnashishni tanladi. Oʻzining yangi mavsumida Gray „Wings“ jamoasiga himoyachi sifatida qoʻshildi. U 34 oʻyinda maydonga tushib, oʻrtacha 13,1 ochko jamgʻardi. 2017-yilning 12-avgustida Gray Connecticut Sun jamoasini 96-88 hisobida magʻlub etib, faoliyatidagi eng yuqori 21 ochkoni qoʻlga kiritdi.
Oʻzining ikkinchi mavsumida Gray Wings jamoasidagi boshlangʻich pozitsiaysida oʻyinlarni davom ettirdi.
Chet eldagi hayoti
2018-yil iyun oyida Gray Isroil ligasi vakili Elitzur Ramla jamoasi bilan 2018/19-yilgi mavsum davomida shartnoma imzoladi.
WNBA martaba statistikasi
Muntazam mavsum
Mavsumdan keyingi
Manbalar
uz.wikipedia.org