ALIYEV BAXTIYOR TOSHKENTBOYEVICH (1938.26.5, Toshkent) — changchi, bastakor, O’zbekiston xalq artisti (1983). Hamza nomidagi musiqa bilim yurtini (1955), Toshkent davlat madaniyat institutini (1995) tugatgan. O’zbek davlat filarmoniyasining ashula va raqs ansambli (1955), “Bahor” ansambli (1956 yildan) sozandasi, musiqa rahbari (1965— 88 va 1992 yildan). Aliyev repertuaridan o’zbek musiqa merosi namunalari (“Bayot I, III, V”, “Soqiynomai Savti Kalon” va boshqalar) o’rin olgan. Bastakor sifatida 400 dan ortiq raqs va ko’shiklar — “Toshkent go’zali”, “Guldasta”, “Qirq qiz”, “Ona madhi” (B. Brovsin bilan), “Baxt qushi”, “Oq oltin” (N. Zokirov bilan), “Badaxshon qizi”, “Dil nolasi”, “Bahor nashidasi”, “Mukarramaxonim o’ynasa” va boshqalar, shuningdek “Chang uchun rapsodiya” muallifi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish