ALIMOV IBROHIM ABDUG’AFFOROVICH

ALIMOV IBROHIM ABDUG’AFFOROVICH (1935.5.4, Andijon) — tarixchi, arxivshunos olim. O’zbekistonda xizmat ko’rsatgan fan arbobi (1982). Tarix fanlari Doktori (1982), professor (1989). Moskva davlat tarix-arxiv institutini tugatgan (1958). O’zbekiston Respublikasi Arxiv boshqarmasi hujjatlardan foydalanish va e’lon qilish bo’limining mudiri (1959-64). O’zbekiston Markaziy davlat arxivi direktori (1965— 73). O’zbekiston Fanlar Akademiyasi Tarix institutida bo’lim mudiri (1989-95). Andijon davlat universiteti professo (1996 yildan). Ilmiy ishlari asosan O’zbekistonda agrar masala muammolari, O’zbekistonda arxiv ishlari nazariyasi va amaliyoti, arxivshunoslikka bag’ishlangan.

Manba

O'zbekiston Milliy Ensiklopediyasi