Alessandro Nesta
Alessandro Nesta (talaffuzi: Alessandro Nesta) (1976-yil 19-martda tugʻilgan) — italiyalik professional futbol menejeri va sobiq futbolchi.Faoliyatining koʻp qismida markaziy himoyachi sifatida maydonga tushgan Alessandro Nesta barcha davrlarning eng yaxshi himoyachilaridan biri hisoblanadi. Alessandro Nesta oʻzining tezligi, murakkab zarbalari, toʻp bilan ishlay olish qobiliyati va himoyadagi mustahkamligi bilan mashhur edi.
Faoliyati
Alessandro Nesta „Lazio“ klubi va "Milan" klubi oʻrtasidagi 20 yillik faoliyati davomida A Seriyada 400 dan ortiq oʻyin oʻtkazdi. Alessandro Nesta ikkala klub bilan ham Italiya chempionligini, ham Yevropa chempionligini qoʻlga kiritdi. Keyinchalik oʻz faoliyati davomida Alessandro Nesta Oliy liga(MLS) da „Montreal Impact“ klubi va Hindiston Superligasining vakili „Chennaiyin“ klublarida oʻynagan. Alessandro Nesta toʻrt marta A Seriyada yilning eng yaxshi himoyachisi nomiga sazovor boʻlgan. 2004-yilda Alessandro Nesta FIFAning 100 yilligini nishonlash doirasida eng yaxshi 100 ta futbolchidan biri deb topildi. 2021-yilda Alessandro Nesta Italiya futboli shon-sharaf zaliga kiritildi .
Alessandro Nesta 1996-yilgi debyutidan boshlab oʻn yil davomida Italiya milliy futbol terma jamoasi aʼzosi boʻlgan. Bu vaqt oraligʻida Alessandro Nesta terma jamoa bilan jami 78 oʻyin oʻtkazdi. Xalqaro miqyosda Alessandro Nesta 1996-yilgi Olimpiya oʻyinlarida, uchta UEFA Yevropa chempionatida va uchta FIFA Jahon kubogida qatnashgan. Alessandro Nesta 2006-yilgi jahon chempionatida gʻolib chiqqan Italiya milliy futbol terma jamoasi aʼzosi boʻlgan.
Oʻyin uslubi
Alessandro Nesta haqiqiy himoyachi edi. Alessandro Nestani klubda ham, xalqaro miqyosda ham ekspertlar oʻz avlodi va barcha davrlarning eng buyuk va eng qobiliyatli himoyachilaridan biri deb bilishgan. Alessandro Nesta juda chaqqon oʻyinchi boʻlib, mukammal muvozanat, maydonni koʻrish qobiliyati va toʻpni aniq uzatish qobiliyatiga ega edi. Bu esa Alessandro Nestaga toʻpni raqibdan qaytarib olganidan keyin toʻpni himoyadan olib chiqish va hujum zonasiga aniq yetkazib berish imkoniyatini bergan. Bu qobiliyatlari Alessandro Nestani „Milan“ klubining sobiq sardori Franco Baresi bilan solishtirishga olib keldi. Alessandro Nesta dastlab oʻng qanot himoyachisi sifatida faoliyatini boshlagan. Ammo keyinchalik Alessandro Nesta markaziy himoyachi sifatida oʻyinlarda qatnasha boshlagan. Alessandro Nestaning texnik mahorati, atletikasi va mudofaa qobiliyati uni taktik nuqtai nazardan koʻp qirrali oʻyinchiga aylantirdi. Alessandro Nesta orqa chiziqning istalgan joyida oʻynashga qodir. Alessandro Nesta havoda ham zoʻr oʻynay olar edi. Alessandro Nesta faoliyati davomida oʻzining tezligi, tezlanishi va chidamliligi bilan ajralib turardi.
Shaxsiy hayoti
2007-yil 7-mayda Alessandro Nesta Gabriela Pagnozzi bilan oila qurdi. Ularning toʻy tadbiri 2007-yil 30-mayda Milanda diniy marosim shaklida boʻlib oʻtdi. Ularning Sofia ismli qizi (2006-yil 19-oktyabrda tugʻilgan) va Tommaso ismli oʻgʻli (2008-yil 20-martda tugʻilgan) bor. Alessandro Nestaning jiyani Gian Marco Nesta ham professional futbolchi hisoblanadi.
Faoliyat statistikasi
Klub
Manbalar
uz.wikipedia.org