Aleksanor

Yelkanli Aleksanor , yoki Aleksanor , ( lotincha: Papilio alexanor) — yelkanli yoki kavaler (lot.Papilionidae) oilasiga mansub kapalak ( lotincha: Papilionidae).

Tashqi ko‘rinishi

Bunday kapalaklar turkumiga kiruvchilarning old qanot uzunligi 31-39 mm. Qanoti yoyilganda 60-70 mm. tashkil etadi. Qanotlari ochiq sariq, tashqi cheti qora. Old qanotda to‘rtta tasma bor: to‘liq postdiskal va bazal chiziqlar va ular orasida joylashgan ikkita to‘liq bo‘lmagan tasmalar markaziy hujayraning orqa chetiga tayanadi. Postdiskal tarmoqli yo‘l-yo‘l chiziqdan uzluksiz sariq bo‘shliq bilan ajratiladi. Orqa qanotda xanjar shaklidagi tasma bo‘lib, u markaziy hujayra bo‘ylab qovurg‘adan anal chekkagacha o‘tadi: aniq chegaralari bo‘lgan cho‘zilgan diskli nuqta. Postdiskal tasma to‘lqinsimon bo‘lib, yo‘l-yo‘l chiziqdan to‘liq sariq teshiklar bilan ajratilgan, ko‘k rangli parcha bilan ifodalanadi. Anal burchakda tiniq qora halqadagi ko‘k tuynuk bilan ichkaridan chegaralangan yumaloq g‘isht-qizil nuqta bor. Jinsiy dimorfizmi zaif tasvirlangan.

Tarqalishi

Togʻlarning toshloqli hududlari (dengiz sathidan 1000-2500 m balandlikda) Bolqondan O‘rta va Markaziy Osiyogacha bo‘lgan o‘tloqli dashtlardauchratish mumkin. Aleksanorning tarqalishi Oʻrta yer dengizi mamlakatlari (Janubiy Fransiya, Janubiy Italiya, Sitsiliya, Albaniya, Gretsiya, Turkiya, Suriya, Livan, Isroil, Iordaniya, Iroq, Eron, Gʻarbiy Pokiston, Afgʻoniston , Janubiy Zaqafqaziya, Qozogʻiston, Qirgʻiziston, Tojikiston, Oʻzbekiston mamlakatlariga borib taqaladi

Yashash tarzi

Uchishi va tuxum qo‘yishi – may-iyunda. Gʻumbagi qish uyqusiga ketadi.

Soni

Bunday tur kamayib bormoqda: ba’zida mavsum davomida bir nechta donasi, ayrim vaqtlarda esa lokal populyasiyalarda har 100 kvadrat metrda 1 donagacha uchrashi mumkin.

Cheklovchi omillar

Chorvachilikda yaylovdan haddan tashqari ko‘p foydalanish va pichan tayyorlash, endoparazitizm.

Manbalar

Adabiyot

uz.wikipedia.org