Aleksandra Zaretskaya
Aleksandra „Sasha“ Zaretskaya (ivritcha: אלכסנדרה זרצקי , ruscha: Александра Зарецкая, belaruscha: Аляксандра Зарэцкая) (1987-yil 23-dekabrda tugʻilgan) — muz ustida raqs boʻyicha musobaqalarda qatnashgan isroillik sobiq muz raqqosasi. Sportdagi sherigi va ukasi Roman Zaretskiy bilan birga 2009 Skate America turnirining bronza medali sovrindori, 2009 Golden Spin of Zagreb musobaqasining chempioni, uch karra Nebelhorn Trophy sovrindori va uch karra Isroilning milliy chempioni boʻlgan. Juftlik Jahon chempionatida ishtirok etib, oltinchi oʻrinni egallagan va 2010-yilda boʻlib oʻtgan huddi shu chempionatda oʻninchi oʻrinni egallab, Qishki Olimpiya oʻyinlarida ikki marta ishtirok etgan.
Shaxsiy hayoti
Aleksandra Zaretskaya 1987-yil 23-dekabrda Minsk shahrida (Belorussiya SSR, Sovet Ittifoqi) tugʻilgan. Zaretskiylar oilasi yahudiy boʻlib, 1990-yilda Isroilning Metula shahrida qoʻnim topgan. Aleksandra konkida uchishni tanlashdan oldin yoshligida badiiy gimnastika bilan shugʻullangan. U ibroniy, rus va ingliz tillarini yaxshi biladi.
Faoliyati
Dastlabki yillari
Aleksandra Zaretskaya Metulada 6 yoshida konkida uchishni boshlagan. U dastlab yakka holda konkida uchuvchi sifatida musobaqalarda qatnashib, yosh toifasiga asoslangan medallarni qoʻlga kiritgan. Ukasi bilan juftlik hosil qilganida yetti yosh, ukasi esa 11 yosh boʻlgan. Juftlikka 2001-yilgacha onasi murabbiylik qilgan, so‘ng ular AQShga mashg‘ulot oʻtash uchun ko‘chib o‘tishgan.
Opa-uka 2001-yil oktyabr oyida Gollandiyaning Gaaga shahrida boʻlib oʻtgan Oʻsmirlar oʻrtasidagi Gran pri musobaqasida 11-oʻrinni egallab, debyut qilishgan. 2002-yilda Norvegiyaning Hamar shahrida boʻlib oʻtgan oʻsmirlar oʻrtasidagi jahon chempionatida 19-oʻrinni egalladi.
2002 — 2003-yilgi mavsum
Zaretskiylar 2002-yil sentyabr oyida Serbiyaning Belgrad shahrida boʻlib oʻtgan Oʻsmirlar oʻrtasidagi Gran pri musobaqasida bronza medalini qoʻlga kiritgan birinchi isroillik figurali uchuvchilar boʻlgan. Germaniyaning Xemnits shahrida boʻlib oʻtgan Oʻsmirlar oʻrtasidagi Gran pri musobaqasida yana bir bronza medalini qoʻlga kiritgandan soʻng, juftlik finalda qatnashish uchun tanlanib olingan. 2003-yil yanvar oyida opa-uka Oʻsmirlar oʻrtasidagi Yevropa olimpiadasi festivalida medal sohibi boʻlgan. Juftlik 2003-yilda Chexiyaning Ostrava shahrida oʻtkazilgan Oʻsmirlar oʻrtasidagi Jahon chempionatida sakkizinchi oʻrinni egallagan. Ularga Delaver shtatining Uilmington shahrida Irina Romanova va Igor Yaroshenko murabbiylik qilishgan.
Dasturlari
Natijalari
GP: Gran-pri ; JGP: Oʻsmirlar oʻrtasidagi Gran-pri
Roman Zaretskiy bilan
Manbalar
uz.wikipedia.org