Alejandro Guerra
Alejandro Abraham Guerra Morales (talaffuzi: Alexandro Abraham Guerra Morales; 1985-yil 9-iyulda Venesuelaning Karakas shahrida tugʻilgan) — venesuelalik futbolchi, Venesuela terma jamoasida yarim himoyachi sifatida faoliyat olib boradi.
Klublardagi faoliyati
Alejandro Guerra faoliyatini „Caracas“ futbol klubida boshlagan. U jamoasiga Venesuela La Ligasi va Venesuela kubogini 5-marta yutishida yordam bergan. 2010-yilda Alejandro Guerra „Deportivo Anzoátegui“ futbol klubiga oʻtgan. 8-avgust kuni „Deportivo Petare“ futbol klubiga qarshi oʻyinda Alejandro Guerra yangi jamoasi safida debyut qilgan. Oʻsha oʻyinda Alejandro Guerra klub uchun birinchi golini urgan. Alejandro Guerra yakunda 16 ta gol bilan jamoaning eng yaxshi toʻpurari boʻlgan va „Mineros de Guayana“ futbol klubiga oʻtgan. 2011-yil 14-avgustda „Deportivo La Guaira“ futbol klubiga qarshi oʻyinda u yangi jamoada debyut qilgan. 25-sentyabr kuni „Llaneros“ futbol klubiga qarshi kechgan bahsda Alejandro Guerra dubl qayd etib, „Mineros de Guayana“ futbol klubi safida ilk gollarini raqib darvozasiga kiritgan. 2014-yilning yozida ijara asosida Alejandro Abraham Kolumbiyaning „Atlético Nacional“ futbol klubiga oʻtgan. 28-iyul kuni „Deportivo Cali“ futbol klubi bilan oʻyinda u Mustang kubogida debyut qilgan.
Xalqaro faoliyati
2006-yil 5-mayda Meksikaga qarshi oʻrtoqlik uchrashuvida Alejandro Guerra Venesuela terma jamoasi safida debyut qilgan. 2007-yilning 14-yanvarida Shvetsiya terma jamoasiga qarshi kechgan bahsda u terma jamoadagi ilk golini urgan.
Oʻsha yili Alejandro Guerra Amerika kubogi uchun terma jamoa tarkibiga qoʻshilgan. Turnirda u Boliviya va Urugvay terma jamoalariga qarshi ikki marta maydonga tushgan.
2015-yilda Alejandro Guerra Chilida boʻlib oʻtadigan Amerika kubogi uchun tarkibga kiritilgan. Turnirda u Kolumbiya, Peru va Braziliya terma jamoalariga qarshi oʻyinlarda ishtirok etgan.
2016-yilda Alejandro Guerra AQShda oʻtkazilgan Amerika kubogida uchinchi marta ishtirok etgan. Turnirda u Yamayka, Urugvay, Meksika va Argentina jamoalariga qarshi oʻyinlarda ishtirok etgan.
Statistikasi
Venesuela safida gollari
Manbalar
uz.wikipedia.org