Albert Pinxasov
Albert Pinxasov (ivritcha: אלברט פנחסוב; SSSR,Oʻzbekiston SSR, Namangan, 1972-yil 9-fevral) — Ariel universiteti rektori. Molekulyar biologiya hamda doktor Miriam va Sheldon Adelson nomidagi tibbiyot maktabi professori. Xulq-atvor va molekulyar psixiatriya laboratoriyasi mudiri. Rektor lavozimiga tayinlanishidan oldin u prorektor va ilmiy ishlar bo‘yicha prorektor, molekulyar biologiya kafedrasi mudiri lavozimlarida faoliyat olib borgan.
Biografiyasi
Albert Pinxasov 1972-yilning 9-fevralida O‘zbekistonning Namangan shahrida tug‘ilgan. 1990—1994-yillarda Nijniy Novgorod tibbiyot akademiyasida (hozirgi Nijniy Novgoroddagi Privoljskiy tadqiqot tibbiyot universiteti) tahsil olgan.
1994-yilda Albert Pinxasov Isroilga koʻchib keladi va u yerda Tel-Aviv universitetida oʻqishni boshlaydi. 1998-yilda u magistr darajasini, 2002-yilda professor Ilana Gozes rahbarligida molekulyar biologiya va klinik biokimyo fanlari doktori ilmiy darajasini oladi.
2002-yildan 2004-yilgacha Pinxasov Johnson & Johnson Pharmaceutical Research and Development (Pennsilvaniya, AQSH)da doktorlikdan keyingi tadqiqotlar doirasida ilmiy stajirovkani tamomlagan, u yerda doktor Duglas Brenneman rahbarligida neyrodegenerativ kasalliklarni davolash uchun dori vositalari ishlab chiqarishda ishtirok etgan.
2005-yilda Pinxasov Ariel universitetining molekulyar biologiya kafedrasida ish boshlagan. 2008—2014-yillarda mazkur bo‘lim boshlig‘i lavozimida faoliyat olib borgan.
2014-yildan 2020-yilgacha Pinxasov Ariel universitetining vitse-prezidenti va ilmiy ishlar bo‘yicha prorektori bo‘lgan.
2020-yilda Ariel universiteti Senati professor Pinxasovni rektor lavozimiga saylaydi. Pinxasov ushbu lavozimda universitetni 12 yil davomida boshqargan professor Mixail Zinigradning oʻrnini egallaydi.
Professor Pinxasov Miya tadqiqotlari markazi va Pre-Med boʻlimi asoschisi boʻlgan. Shuningdek, u universitet qoshida tibbiyot fakulteti tashkil etish bo‘yicha kengash aʼzosi ham hisoblanadi.
Tadqiqot faoliyati
Ilmiy laboratoriya professori Albert Pinxasov ruhiy kasalliklarning molekulyar mexanizmlari va ruhiy kasalliklarning rivojlanishi va stressga moyillik oʻrtasidagi munosabatlarning koʻp darajali tizimini oʻrganadi.
Laboratoriyaning tadqiqot guruhi aʼzolari ustunlik va itoatkorlikning aniq belgilariga ega boʻlgan sichqonlar ustida tajriba oʻtkazmoqda. Ushbu sichqonlar psixotrop moddalarga va tashqi stimullarga stressga boʻlgan sezgilari orqali turli xil reaksiyalari bilan manik yoki depressiv xatti-harakatlarning tegishli xususiyatlarini namoyon qiladi. Laboratoriya tadqiqotlari shuni koʻrsatdiki, stressga irsiy moyillik surunkali yalligʻlanishning bosqichma-bosqich rivojlanishi, keng spektrli metabolik oʻzgarishlar, hissiy va kognitiv sohalarda xatti-harakatlarning buzilishi bilan birga miya oʻtkazuvchanligining buzilishi va umr koʻrish davomiyligining qisqarishi bilan bogʻliq hisoblanadi.
Mukofotlari
Nashrlari
Professor Albert Pinxasovning 80 dan ortiq ilmiy maqolalari chop etilgan, jumladan:
Manbalar
uz.wikipedia.org