Albena Denkova
Albena Petrova Denkova (bolgarcha: Албена Петрова Денкова; 1974-yil 3-dekabrda tugʻilgan) — muz ustida raqs boʻyicha musobaqalarda ishtirok etgan bolgariyalik muz raqqosasi. Sherigi va unashtirilgan yigiti Maksim Staviski bilan birga ikki karra (2006 — 2007) jahon chempioni, ikki karra (2003 — 2004) Yevropa chempionatining kumush medali sovrindori va 2006-yilgi Gran-pri finali chempioni boʻlgan. Denkova va Staviski juftligi figurali uchish boʻyicha Jahon chempionatida medal olgan birinchi Bolgariya vakillaridir.
Faoliyati
Albena sport faoliyatini toʻrt yoshida gimnastikachi sifatida boshlagan va taxminan 8 yoki 9 yoshida figurali uchish bilan shugʻullanishga oʻtgan. 12 yoshida muz ustida raqsga qiziqib qolgan. Uning muz ustida raqs boʻyicha birinchi sherigi Xristo Nikolov edi, ammo ular ozlarining turli ambitsiyalari tufayli ajralishgan.
Denkova 1996-yilda Moskvada Maksim Staviski bilan juftlik hosil qilgan va u bilan Bolgariya vakili sifatida musobaqalarda bellashish uchun Sofiyaga koʻchib oʻgan. Juftlk tez orada bir-birlarini sevib qolgan va 2000-yil sentyabr oyida Denkova / Staviski murabbiy Aleksey Gorshkov va xoreograf Sergey Petuxov qoʻl ostida mashgʻulot oʻtay boshlagan.
Denkova / Staviski juftligi zotiljam bilan kasallanganidan keyin 2000-yilgi Yevropa chempionatini tark etgan. 2000-yilgi Jahon chempionatida erkin raqs oldidan soʻnggi mashgʻulot Denkovaning oyogʻi jarohat olgan uch oy davomida yura olmagan.
Denkova / Staviski juftligi 2001-yilgi Yevropa chempionatidan oldin gripp bilan kasallanishiga qaramay, musobaqada qatnashgan va 8-oʻrinni egallagan.
Denkova / Staviski juftligi 2004 — 2005-yillarda Yevropa chempionatida ishtirok etishdan voz kechdi va Jahon chempionatida qatnashib, 5-o‘rinni egallagan. Mavsum oxirida ular murabbiyi Gorshkov bilan xayrlashishgan va Natalya Linichuk va Gennadiy Karponosov murabbiyligida mashgʻulotlar oʻtkazish uchun AQShning Delaver shtatidagi Newark shahriga koʻchib oʻtishgan. Juftlik oʻzlarining uchinchi Olimpiada musobaqasida 5-o‘rindan joy olgan. Ular 2006-yilgi Jahon chempionatida figurali uchish boʻyicha jahon oltin medalini qoʻlga kiritgan birinchi bolgarlar boʻlishgan.
Shaxsiy hayoti
Denkova va Staviski unashtirilgan. Ularning oʻgʻli Daniel 2011-yil 30-yanvarda dunyoga kelgan.
Dasturlari
Natijalari
Staviski bilan
Manbalar
uz.wikipedia.org