Alan Budikusuma

Alexander Alan Budikusuma Wiratama (1968-yil 29-martda tugʻilgan, xitoycha: 魏仁芳: Goei Djien Phang sifatida) — 1980-yillarning oxiridan 1990-yillarning oʻrtalarigacha jahon darajasida muvaffaqiyat qozongan sobiq indoneziyalik badmintonchi.

Faoliyati

1991-yilda Kopengagenda boʻlib oʻtgan IBF boʻyicha jahon chempionatida xitoylik Zhao Jianhuadan keyin ikkinchi oʻrinni egalladi. Alan Barselonada 1992-yilgi Olimpiada oʻyinlarining yakkalik bahslarida hamyurti Ardy Wiranatani finalda magʻlub etib, oltin medalni qoʻlga kiritdi. Uning ushbu yutugʻi bilan birga oʻsha paytdagi jamoadoshi Susi Susantining oltin medali Indoneziya uchun mamlakatning 50 yillik tarixida birinchi Olimpiada oltin medallarini qoʻlga kiritilishi edi. 1992-yil avgust oyida Susi Susanti va Alan Budikusuma oʻz mamlakatlariga qaytib, ikki soatlik paradni qabul qilishganda, 500,000 dan bir milliongacha indoneziyaliklar Jakarta koʻchalarida ularni sharaflab saf tortdilar. Gʻarbiy Java gubernatori Yogie S. M. gʻalabasidan keyin unga Gʻarbiy Java faxriy fuqaroligini berdi.

Alanning oʻtkazgan oʻyinlari tarkibiga Tailand ochiq turniri (1989, 1991), Xitoy ochiq turniri (1991), Germaniya ochiq turniri (1992), Indoneziya ochiq turniri (1993), Jahon chempionati (1993) va Malayziya ochiq turniridagi (1995) yakkalik bahslari misol boʻladi. Budikusuma 1996-yilda jahon chempioni Indonesian Thomas Cup jamoasi aʼzolaridan biri boʻlgan.

Shaxsiy hayoti

U badminton boʻyicha ayollar oʻrtasidagi Olimpiada oʻyinlari oltin medali sovrindori (1992-yilda) Susi Susanti bilan turmush qurgan. Ularning 1999-yilda tugʻilgan Lourencia Averina, 2000-yilda tugʻilgan Albertus Edward va 2003-yilda tugʻilgan Sebastianus Frederick ismli uchta farzandi bor. Alan va Susining Jakarta Utarada badminton klubi bor. Alan Budining Yohan Hadikusuma ismli ukasi boʻlib, u ham badminton bilan shugʻullanadi, lekin Yohan Gonkong vakili boʻlib oʻyinlarda ishtirok etadi.

Yutuqlari

Olimpiada oʻyinlari

Erkaklar yakkalik oʻyinlari

Jahon chempionatlari

Erkaklar yakkalik oʻyinlari

Jahon chempionati

Erkaklar yakkalik oʻyinlari

Osiyo oʻyinlari

Erkaklar yakkalik oʻyinlari

IBF Jahon Grand Prisi

Jahon badminton Grand Prisi 1983-yildan beri Xalqaro badminton federatsiyasi (IBF) tomonidan tasdiqlangan.

Erkaklar yakkalik oʻyinlari

IBF Grand Pri turniri
IBF Grand Pri final turniri

Manbalar

uz.wikipedia.org