Aʼlamjon Ibragimov

Aʼlamjon Amrilloyevich Ibragimov (1974-yil 24-dekabr, Samarqand viloyati, Oʻzbekiston SSR) — oʻzbekistonlik olim, pedagogika fanlari doktori, professor.

Biografiyasi

Aʼlamjon Ibragimov 1974-yil 24-dekabr Samarqand viloyatida tugʻilgan. 1996-yil Samarqand davlat universitetini tamomlagan hamda ilk faoliyatini shu universitetda boshlagan. 1996—1998-yillarda Samarqand davlat universiteti umumtexnika fanlari kafedrasi katta laboranti, 1998—2003-yillarda shu kafedra oʻqituvchisi, 2003—2011-yillarda Samarqand davlat universiteti maxsus sirtqi boʻlimi dekani oʻrinbosari, 2011—2012-yillarda Samarqand viloyati pedagog kadrlarni qayta tayyorlash va malakasini oshirish instituti jismoniy tarbiya, sanʼat va mehnat taʼlimi kafedrasi katta oʻqituvchisi, 2012—2014-yillarda ayni shu institutning oʻquv-metodik ishlar boʻyicha prorektori, 2015—2017-yillarda Oʻzbekiston Pedagogika fanlar ilmiy tadqiqot instituti doktoranti, 2018—2019-yillarda Samarqand viloyati xalq taʼlimi xodimlarini qayta tayyorlash va ularning malakasini oshirish hududiy markazi oʻquv va ilmiy ishlar boʻyicha direktor oʻrinbosari, 2019-yildan hozirgi vaqtgacha Samarqand viloyati pedagoglarni yangi metodikalarga oʻrgatish milliy markazi direktori sifatida faoliyat yuritib kelmoqda.

Ilmiy faoliyati

2018-yil 5-dekabrda Pedagogika fanlari boʻyicha falsafa doktori dissertatsiyasini himoya qilgan. 130 ga yaqin ilmiy-uslubiy ishlar muallifi. 2021-yilda „Oʻzbekiston Respublikasi mustaqilligining 30 yilligi“ esdalik nishoni, xuddi shu yili „Oʻzbekiston Respublikasi Xalq taʼlimi aʼlochisi“ koʻkrak nishoni bilan taqdirlangan.

Manbalar

uz.wikipedia.org