Al Rayan banki
Al Rayan Bank PLC (
Britaniya Islom banki nomi bilan tanilgan) — 2004-yil avgust oyida har qanday eʻtiqodli mijozlarga shariatga mos moliyaviy xizmatlarni taklif qilish maqsadida tashkil etilgan Buyuk Britaniyadagi tijorat banki hisoblanadi. Bank Londonda joylashgan aloqa menejerlari orqali oʻzining asosiy va tijorat mijozlariga xizmat koʻrsatadi. Chakana mijozlarga Bankning Digital Banking va Telephone Banking xizmatlari orqali xizmat koʻrsatiladi.
Bank barcha dinlarga eʻtiqod qiluvchi odamlarni qabul qilganligi uchun musulmon boʻlmagan odamlar orasida mashhurlikka erishgan.
Bank mahsulotining islomiy moliya tamoyillariga mos kelishini taʼminlash maqsadida uning tarkibida Shariat boʻlimi va mustaqil Shariat Nazorat qoʻmitasi mavjud.
2020-yil holatiga koʻra, Al Rayan Bank 80 000 mijozga xizmat koʻrsatgan.
Tarixi
Britaniya Islom banki Yaqin Sharqdan kelgan bir guruh investorlar tomonidan Buyuk Britaniyada shariatga muvofiq moliyaviy xizmatlarning oʻsib borayotgan bozoridan foyda olish uchun tashkil etilgan.
Potentsial investorlar, asosan, Fors koʻrfazidan taklif qilingan. 2003-yil boshiga kelib boshlangʻich kapitali million dollarga yetgan.
Giles Cunningham Al Rayan Bankning hozirgi bosh direktori hisoblanadi.
Makroiqtisodiy sharoitlar
Barcha banklar singari, Al Rayan banki 2007—2008-yillardagi jahon moliyaviy inqirozi, keyin esa davom etayotgan zaif makroiqtisodiyot bankning rivojlanishiga salbiy taʼsir koʻrsatdi. Shunga qaramay, ushbu IBB oʻsishda davom etdi va 2012-yilda oʻz tarixidagi chakana aktivlarni moliyalashtirish va depozit qoldiqlari boʻyicha eng yuqori darajaga erishgan.
Bankning sotib olinishi
2014-yil 16-yanvarda IBB oʻzining yangi bosh kompaniyasi Masraf Al Rayan, dunyodagi eng yirik islom banklaridan biri ekanligini tasdiqladi.
2014-yil dekabr oyida Britaniya Islom banki Masraf Al Rayan (MAR) kompaniyalar guruhining bir qismi sifatidagi maqomini aks ettirish uchun rasmiy ravishda nomini Al Rayan Bank PLC nomiga oʻzgartirgan.
Tez oʻsish koʻrsatkichi
2016-yilda Al Rayan banki Searchline Publishing tomonidan chop etilgan „Bank League Tables 2017“ da Buyuk Britaniyadagi eng tez rivojlanayotgan uchinchi bank deb topilgan. Buning ortidan 2017-yilda Bank uning 77 000 dan ortiq mijozlari borligini eʼlon qilgan.
2017-yil noyabr oyida Moody’s global kredit agentligi Al Rayan Bankiga Aa3 depozit reytingini berganida Al Rayan Banki rasmiy reytingga ega boʻlgan yagona Buyuk Britaniya islom banki boʻlgan.
Manbalar
uz.wikipedia.org