Ahmed Kutucu
Ahmed Kutucu (2000-yil 1-martda tugʻilgan) — professional futbolchi, markaziy hujumchi 2- Bundesliga klubi SV Sandhausenga, Turkiyaning Istanbul Boshakshehir klubidan ijaraga olingan. Germaniyada tugʻilgan, Turkiya terma jamoasi vakili.
Klubdagi faoliyati
Kutucu oʻzining yoshlik faoliyatini 2003-yilda Sportreunde Haverkamp bilan boshlagan, 2006-yilda Rot-Vays Essenning yoshlar jamoasiga oʻtgan. 2011-yilda u „Schalke 04“ning yoshlar jamoasiga qoʻshilgan.
2018-yil 11-dekabr kuni Kutucu „Schalke“ safida UEFA Chempionlar ligasida ilk debyutini oʻtkazgan va Moskvaning „Lokomotiv“iga qarshi oʻyinda Sedrik Teuchertning oʻrniga 72-daqiqasida zaxiradan maydonga tushgan. U Bundesligadagi ilk golini 2018-yilning 22-dekabrida Shtutgartga qarshi safarda urgan. Oʻsha oʻyinda Kutucu 73-daqiqada Yevgeniy Konoplyankaning oʻrniga zahiradan maydonga tushgan va hisobni 3:1 koʻrinishiga keltirib jamoasi gʻalabasiga oʻz hissasini qoʻshgan.
2021-yil 21-yanvarda Kutucu Eredivisie klubi Herakles Almeloga mavsum oxirigacha ijara shartnomasi asosida qoʻshilgan.
2021-yilning 4-iyulida Kutucu Turkiyaning Istanbul Boshakshehir klubiga oʻtgan
2022-yil 12-yanvarda Kutucu 2-Bundesliga klubi SV Sandhauzenga qoʻshilishga rozi boʻlgan. Bundesliga klubi bilan mavsum oxirigacha ijara shartnomasi imzolanagan.
Xalqaro faoliyati
Kutucu 2017-yilda Hindistonda boʻlib oʻtadigan 17 yoshgacha boʻlgan futbolchilar oʻrtasidagi jahon chempionatida Turkiya terma jamoasiga chaqirilgan. U 2017-yilning 6-oktyabr kuni guruhdagi birinchi oʻyinda debyut qilgan va 18-daqiqada Yangi Zelandiyaga qarshi oʻyinda boshi bilan gol urib Turkiyaga terma jamoasiga 1:1 hisobidagi durangga erishishga yordam bergan. U Turkiyaning qolgan ikkita oʻyinida ishtirok etgan va ular guruh bosqichidan musobaqani tark etishgan. Keyingi yili u 2018-yilda Finlandiyada boʻlib oʻtadigan 19 yoshgacha boʻlgan futbolchilar oʻrtasidagi Yevropa chempionatida Turkiya terma jamoasiga kiritilgan. U Turkiya terma jamoasi safida uchta oʻyinda ham maydonga tushgan, jamoa guruh bosqichidan musobaqani tark etgan.
Faoliyat statistikasi
Klub
Xalqaro
Manbalar
uz.wikipedia.org