AHMADOBOD — Hindiston g’arbidagi shahar. Gujarot shtatining ma’muriy va iqtisodiy markazi. Aholisi 2,9 million kishi (1991, shahar atrofi bilaan). Mamlakatning savdo va moliya markazlaridan biri; yirik transport yo’llari tuguni. 1411 yilda Gujarot sultoni Ahmadshoh tomonidan barpo etilgan. 15 — 16 – asrlarda Ahmadobod Hindistonda muhim savdo va sanoat ahamiyatiga ega bo’lgan, o’z hunarmandchiligi va ajoyib me’moriy inshootlari bilan shuhrat qozongan. 15-asrda qurilgan katta jome masjidi, zafar toqi — tin darvozasi (15 – asr) va o’ymakorlik bilan ishlangan yog’och uylar (16 — 17-asrlar) saqlangan. Ahmadobod il gazlama sanoatining (Bombaydan keyingi) yirik markazi; paxta tozalash, ipak (jumladan sun’iy ipak) va boshqa yengil sanoat tarmoqlari taraqqiy qilgan. Kimyo sanoati korxonalari bor. Hunarmandchilik (kimxob to’qish, zargarlik, yog’och va suyakdan o’ymakorlik buyumlari yasash) rivojlangan. Universitet bor.
Manba:
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish