Agustin Tovar

Agustin Tovar (ispancha: Estadio Agustín Tovar), shuningdek, La Karolina (ispancha: La Carolina) nomi bilan ham tanilgan — Venesueladagi futbol stadioni, Barinas shtatining poytaxti, xuddi shu nomdagi shaharda joylashgan. Stadion sigʻimi 24 396 tomoshabinga moʻljallangan. Venesuelaning toʻrt karra chempioni „Zamora“ futbol klubi „Agustin Tovar“da oʻynaydi.

Tarixi

Barinasdagi eski stadion 1955-yilda qurilgan va bir yildan soʻng „La Karolina“ Olimpiya stadioni ochilgan. 1993-yilda „La Karolina“ rekonstruksiya qilindi, sigʻimi 5 dan 12 ming tomoshabinga koʻtarildi. 2001-yilda stadionga Barinas shahrida tugʻilgan Rafael Agustin Tovar (1928-1925) sharafiga „Agustin Tovar“ nomi berildi, u futbolchilar, bokschilar, sportchilar va voleybolchilarni tayyorlash sohasida oliy maʼlumot olgan birinchi venesuelalik murabbiyga aylandi. U, shuningdek, Barinas shtati sport vaziri va „Zamora“ futbol klubining asoschisi edi.

2007-yilgi Amerika Kubogiga tayyorgarlik koʻrish uchun Barinas shtati hukumati 60 million dollar sarmoya oldi (boshqa manbalarga koʻra, 65 million dollar). Stadion KONMEBOLning minimal sig‘im (20 ming tomoshabin) talablariga javob bermaganligi sababli, „Agustin Tovar“ni tubdan qayta qurish va tomoshabinlar sonini 24 mingdan ortiqroqqa ko‘paytirishga qaror qilindi. Oradan bir yil o‘tib, bir qancha kechikishlarga qaramay, reja amalga oshirildi. Loyihaning meʼmori Rikardo Massei edi.

2007-yil 25-iyunda Venesuela yoshlar terma jamoasi va Barinas shtati yoshlar terma jamoasi yangilangan „Agustin Tovar“ning ochilish oʻyinida maydonga tushishdi.

Arena 2007-yilda Venesuela tomonidan tarixda birinchi marta tashkil etilgan Amerika kubogi uchun qurilgan. Amerika Kubogi-2007 doirasida bitta oʻyin Barinasda boʻlib oʻtdi:

Sport musobaqalari

Manbalar

uz.wikipedia.org