AGUASKALENTES

AGUASKALENTES – Meksikaning Markaziy qismidagi shtat, San-Pedro daryosidan sug’oriladigan platoda. Maydoni 5,5 ming kilometr kvadrat. Aholisi 720 ming kishi (1990). Ma’muriy markazi — Aguaskalentes shahri. Iqtisodiyotida qishloq xo’jaligi (bug’doy, makkajo’xori, loviya, sabzavot, meva yetishtirish, chorvachilik) yetakchi o’rinda. Konchilik sanoati ham bir muncha rivojlangan. Polimetall rudalari qazib olinadi.

Manba

O'zbekiston Milliy Ensiklopediyasi