Agnorhiza reticulata

Agnorhiza reticulata (boshqa nomi: Wyethia reticulata), umumiy El Dorado okrugi xachir quloqlari nomi bilan tanilgan, faqat shimoliy va markaziy Kaliforniyaning kichik bir mintaqasida uchraydigan noyob gulli oʻsimlik turidir. Agnorhiza reticulata ilk bora 1998-yil Edward Lee Greene tomonidan tasniflangan. Oʻsimlik Koliforniya shtati uchun endemik turlardan biri hisoblanadi.

Tarqalishi

Agnorhiza reticulata Kaliforniyaning ichki oʻtloqlari va Sierra Nevada togʻ etaklaridagi oʻrmonzorlarda keng tarqalgan. El Dorado, Sakramento va Yuba okruglaridaaniqlangan.

Populyatsiyasi sababli genetik xilma-xilligi past boʻlishi mumkin, chunki ular koʻpincha vegetativ yoʻl bilan koʻpayadi, urugʻ bilan jinsiy koʻpayish deyarli kuzatilmaydi, shuningdek, Ildizpoyalar bilan vegetativ koʻpayish usuli ham bu oʻsimlikka xosdir. Baʼzi populyatsiyalar yashash muhitining sanoatlashtirilishi va oʻzlashtirilishi sababli yoʻqolib ketish xavfi ostida qolmoqda.

Tavsif

Agnorhiza reticulata koʻp yillik oʻt boʻlib, boʻyi 40-70 santimetr, baʼzan 1 metrga yetadigan tukli, bezsimon, yopishqoq poya hosil qiladi, odatda poyasi tarvaqaylab ketgan holda oʻsadi. Barglarning uzunligi 15 santimetrgacha boʻlib, atrofi uchburchak yoki nayza shaklidagi pichoqsimon boʻrtmalar bilan qoplangan.

Toʻpguli odatda yakka kungaboqar gul boshi koʻrinishida boʻlib, uzunligi 2,5 santimetrgacha boʻlgan 21 tagacha sariq yaproqlardan tashkil topadi. Markazida sariq rangli disk joylashgan. Gullar mahalliy asalarilar tomonidan changlantiriladi. Gullash davri maydan to iyun-iyul oylarigacha davom etadi.

Manbalar

Havolalar

uz.wikipedia.org