AFSHIN — Ustrushona hokimlarining arablar fathidan avvalgi laqabi. Oxirgi Afshin Haydar ibn Kovus (manbalarda al-Afshin) xalifa Mu’tasimning lashkarboshisi edi. U Kichik Osiyoda yunonlar ustidan g’alaba qilgani va Bobak qo’zg’olonini bostirgani evaziga xalifaning e’tiboriga sazovor bo’lgan. Biroq, 841 yil iyunda islomdan qaytganlikda ayblanib, o’lim jazosiga hukm etilgan. Afshin laqabi O’rta Osiyoda, umuman, uchrab turadi. Ya’qubiyda (ta’rix, 2-jild, 344-bet) Sug’diyona hokimi G’urak Qutayba ibn Muslim bilan tuzgan shartnomasida o’zini Sug’d ixshidi, Samarqand afshini deb atagan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish