ADL (Arabcha — odillik, to’g’rilik) — Islom dinida Alloh sifatlaridan, “Ilohiy adolat”ga e’tiqod qilish — Islom aqidaviy talablaridan biri. Mo’taziliylar Allohning insonlarga odilligi haqidagi tasavvurdan kelib chiqib, inson irodasining erkinligi haqidagi fikrni ilgari surgan. Shialikda — Adl so’zi rasman qabul qilingan beshta aqidadan biri, inson taqdirini belgilashdagi Allohning adolatli hukmi mazmunida qo’llaniladi. Hozirgi zamon Islom ilohiyotida Adl — jamiyatning barcha a’zolariga nisbatan “Ilohiy adolat”, ularning “Alloh oldida tengligi” deb talqin etiladi. Shariatda Adl Islom diniy qonunlarining “Ilohiy adolat”ga asoslanganligini ifodalaydi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish