Adeeb Khalid
Adeeb Khalid (1964-yil 17-fevralda tugʻilgan) Minnesota shtatining Nortfild shahridagi Karleton kollejining tarix boʻlimida Osiyo tadqiqotlari va tarixi boʻyicha dotsent va Jeyn va Rafael Bernshteyn professori. Uning ilmiy hissalari yuqori baholanadi.
Ilmiy faoliyati
Lahordagi Hukumat kolleji universitetida va Monrealdagi MakGill universitetida bakalavr darajasini olgandan soʻng , Viskonsin-Madison universitetida PhD darajasini tugatgan.
Xolidning tadqiqotlari 1860-yillardagi Rossiya istilolaridan keyingi Oʻrta Osiyo islom tarixiga qaratilgan — u madaniy oʻzgarishlarga, tarixiy oʻzgarishlar natijasida oʻziga xoslikka hamda Rossiya Imperiyasi va Sovet hokimiyati davridagi islom taqdiriga alohida eʼtibor qaratadi.
Xolidning tadqiqotlari Jon Simon Guggenxaym memorial jamgʻarmasi, Karnegi korporatsiyasi, Milliy gumanitar fanlar jamgʻarmasi, Amerika bilimdon jamiyatlari kengashi, Yevroosiyo va Sharqiy Yevropa tadqiqotlari milliy kengashi va Xalqaro tadqiqot va almashinuv kengashi kabi muassasalar tomonidan qoʻllab-quvvatlangan.Antologiyalardagi maqolalardan tashqari, Xolid toʻrtta ilmiy asar yozgan. Uning birinchi "Musulmon madaniyati islohoti siyosati" (1998) kitobi Markaziy Osiyodagi jadidchilik haqidagi standart asar hisoblanadi; Kommunizmdan keyingi Islom (2007) nomli ikkinchi asari Slavyan, Sharqiy Yevropa va Yevroosiyo tadqiqotlari assotsiatsiyasining Ueyn S. Vuchinich kitob mukofoti bilan taqdirlangan. 2015-yilda chop etilgan uchinchi asari "O‘zbekiston tavalludi" deb nomlanib, Markaziy Osiyoning ilk sovet davridagi (1917-1932) tarixiga bag‘ishlangan. 2021-yil iyunda „Markaziy Osiyo. Imperatorlik istilolaridan hozirgi kungacha boʻlgan yangi tarix“ nomli asari Prinston universiteti nashriyoti tomonidan nashr etilgan.
Olimning „Oʻzbekiston tavalludi“ asari „Akademnashr“ nashriyoti tomonidan oʻzbek tilida chop etilgan.
Mukofot va unvonlar
Xolid sazovor boʻlgan bir qator unvon va mukofotlardan baʼzilari quyida keltirilgan:
Asarlar
Xolidning nashr etilgan asarlari, ilmiy antologiyalar va jurnallardagi maqolalari, tarjima qilgan asarlari roʻyxatini uning Karleton kolleji platformasidagi profilida onlayn koʻrish mumkin.
Manbalar
Veb havolalar
uz.wikipedia.org