Adam Forshaw

Adam John Forshaw (talaffuzi: Adam Jon Forshou) (1991-yil 8-oktyabrda tugʻilgan) — angliyalik professional futbolchi. Adam Forshaw Premer-liganing „Leeds Unaited“ futbol klubida yarim himoyachi sifatida oʻynaydi.

Adam Forshaw oʻz faoliyatini Premer-liganing „Everton“ futbol klubining akademiyasida boshlagan. Adam Forshaw 2013—2014-yilgi mavsumda „Yilning birinchi raqamli oʻyinchisi“ sovrinini qoʻlga kiritgan.

Klublardagi oʻyin faoliyati

Everton

Adam Forshaw yetti yoshida „Everton“ futbol klubining akademiyasiga qoʻshilgan. 2008—2009-yilgi mavsum boshlanishidan oldin Adam Forshawga asosiy jamoadan joy taklif qilindi. Shundan soʻng, Adam Forshaw klubning asosiy jamoasi safida maydonga tusha boshladi. Adam Forshaw 2008—2009-yilgi mavsumni jarohatlar bilan oʻtkazdi.

Adam Forshaw 2011-yil iyun oyida klub bilan imzolagan shartnoma muddatini yana bir yilga uzaytirdi. Keyinchalik Adam Forshawga yangi shartnoma taklif qilinmadi va u 2012-yilning may oyida klubni tark etdi.

Brentford

2012-yilning 24-fevralida Adam Forshaw Angliya Birinchi ligasi vakili „Brentford“ futbol klubi safiga qoʻshildi.

Adam Forshaw 2012-yilning may oyida nomaʼlum toʻlov evaziga ikki yillik shartnoma asosida „Brentford“ futbol klubiga doimiy ravishda qoʻshildi. Adam Forshaw 2012—2013-yilgi mavsumda klub safida 53 ta oʻyinda maydonga tushib, 3 ta gol urgan.

Adam Forshaw 2014-yil 1-sentyabr kuni „Brentford“ futbol klubini tark etdi. Adam Forshaw klub jamoasi bilan 100 ta oʻyinda maydonga tushdi va 11ta gol urdi.

Wigan Athletic

2014-yilning 1-sentyabrida Adam Forshaw Angliya chempionati vakili „Wigan Athletic“ futbol klubi jamoasiga toʻrt yillik shartnoma asosida qoʻshildi. Ushbu shartnomadagi toʻlov miqdori taxminan 2,5 million funt sterling edi. Adam Forshaw klub safida 17 oʻyin oʻtkazdi va 2015-yilning 28-yanvarida klubni tark etdi.

Middlesbrough

2015-yil 28-yanvarda Adam Forshaw Angliya chempionati vakili „Middlesbrough“ futbol klubi safiga uch yarim yillik shartnoma asosida nomaʼlum toʻlov evaziga qoʻshildi. 2014—2015-yilgi mavsumda Adam Forshaw klub safida 20 ta oʻyin oʻtkazdi.

Adam Forshaw 2015—2016-yilgi mavsumda 34 ta oʻyin oʻtkazdi va ikkita gol urdi. Bu mavsumda „Middlesbrough“ futbol klubi avtomatik ravishda ikkinchi oʻrin bilan Angliya Premer-ligasiga koʻtarildi. Adam Forshaw klub bilan 2016-yilning avgust oyida yangi toʻrt yillik shartnoma imzoladi va noyabr oyida murabbiy Gareth Southgate tomonidan Angliya milliy futbol terma jamoasiga taklif qilingani haqida xabar berilgandi. Adam Forshaw 2016—2017-yilgi mavsumda 35 ta oʻyinda maydonga tushdi.

Adam Forshaw 2017—2018-yilgi mavsumning birinchi yarmida 14 ta oʻyinda maydonga tushdi va 2018-yilning yanvar oyida klubni tark etdi.

Leeds United

2018-yilning 18-yanvarida Adam Forshaw Angliya chempionati vakili „Leeds United“ futbol klubiga 4,5 million funt sterling evaziga oʻtdi va toʻrt yarim yillik shartnoma imzoladi.

2018-yilning 30-yanvarida Adam Forshaw "Leeds United" futbol klubi safidagi ilk oʻyinini „Hull City“ futbol klubiga qarshi uchrashuvda oʻtkazdi.