Abu Dovud Tayolisiy

Abu Dovud at-Tayolisiy (toʻliq ismi: Abu Dovud Sulaymon ibn Dovud at-Tayolisiy, arab. أبو داود سليمان بن داود الطيالسي) (750/751 – 819/820) – hijriy ikkinchi asrning musulmon olimi va muhaddisi

Biografiyasi

Tayolisiy hijriy taqvim boʻyicha 133-yilda (milodiy 750 yoki 751-yillarda) Iroqning Basra shahrida tugʻilgan. Dastlabki ta’limni oʻz shahrida tamomlagan, soʻngra oliy taʼlim olish uchun Bagʻdodga koʻchib oʻtgan va u yerda oʻsha davrning Hammod ibn Salama, Abu Avona va Muhammad ibn Abdurrahmon kabi buyuk olimlaridan saboq olgan. Tayolisiy barcha muhaddislar tomonidan juda ishonchli roviy sifatida e’tirof etilgan. U oʻzining kitobini (“Musnad at-Tayolisiy”ni) yozish uchun Muhammad alayhissalomning hadislarini toʻplash maqsadida koʻplab mamlakatlar boʻylab sayohat qilgan. Tayolisiy hijriy 204-yilda Basrada vafot etgan.

Asarlari

U koʻplab asarlar yozgan, biroq ularning orasida eng mashhuri “Musnad at-Tayolisiy” hisoblanadi.

Manbalar

uz.wikipedia.org