Abdulloh Siroj
Abdulloh ibn Abdurrahmon Siroj (arabcha: عبد الله بن عبد الرحمن سراج; — 1949-yil may) arab siyosatchisi va islom olimi boʻlib, Hijoz qirolligida va keyinchalik Transiordaniya amirligida turli lavozimlarda ishlagan, jumladan, har ikki davlatning Bosh vaziri lavozimini egallagan (shuningdek, 5-Iordaniya bosh vaziri boʻlgan).
Biografiyasi
Abdulloh Siroj Makkada tugʻilgan, u Savlatiya madrasasini, keyinchalik Qohiradagi al-Azhar universitetini tamomlagan. 1907-yilda Sharif Ali Abdulloh tomonidan Makkadagi hanafiylar muftiysi etib tayinlangan. U 1908-yilda Usmonlilar parlamentida Makka vakili etib saylangan, ammo xizmat qilishdan oldin isteʼfoga chiqqan. Sharif Husayn 1916-yilda Usmonlilar imperiyasidan mustaqilligini eʼlon qilganidan soʻng, Sirojni Hijoz hukumatining bosh sudyasi va bosh vazir oʻrinbosari etib tayinlaydi. Siroj 1918-yilgacha amir Ali o‘rniga Bosh vazir vazifasini bajaruvchi bo‘lgan. 1924-yilda Husayn taxtdan voz kechganidan soʻng, Siroj Alining qisqa hukmronligi davrida Bosh vazir lavozimini egallaydi, bu qirollikning 1925-yilda Nejd Saudiya sultonligiga taslim boʻlishi bilan yakunlanadi. Keyinchalik Abdulloh Siroj Iordaniyaga koʻchib oʻtadi va u yerda amir Abdulloh qoʻl ostida 1931-yildan 1933-yilgacha Bosh vazir boʻlib ishlaydi hamda bir vaqtning oʻzida moliya va Ichki ishlar vazirligi, shuningdek, Bosh sudya lavozimini egallaydi.
Manbalar
uz.wikipedia.org