Abdulloh ibn Huzofa as-Sahmiy
Abdulloh ibn Huzofa as-Sahmiy (arabcha: عبد الله بن حذافة السهمي — Abdulloh ibn Huzofa ibn Qays ibn Adiy ibn Saʼd as-Sahmiy al-Qurashiy,? — 33/654, Misr) — sahoba.
Oilasi
Abdulloh ibn Huzofa as-Sahmiy Eron podshohi va Rum imperatori bilan uchrashgan sahoba. Kunyasi Abu Huzofa, onasi Tamima bint Xarson Bani al-Horis qabilasidan.
Manbalarda kelishicha, Abdulloh ibn Huzofa as-Sahmiy Makkada musulmonlarga mushriklarning tazyiqi kuchaygandan keyin Habashistonga hijrat qilgan.
Hijratning oltinchi yili Hudaybiya sulhidan keyin Payg‘ambar Fors diyorining podshohi Kisroga Islom diniga kirish taklifi bitilgan maktubni olib borishni Abdulloh ibn Huzofa as-Sahmiyga topshiradilar.
Faoliyati
Hijratning o‘n to‘qqizinchi yili xalifa Umar ibn al-Xattob Rumga yuborgan qo‘shin tarkibida Abdulloh ibn Huzofa as-Sahmiy ham bo‘lgan. U asir tushib qoladi va Rum imperatori Hiraqlning peshonasidan bir o‘pish evaziga barcha qolgan asirlarni ozod etilishiga sabab bo‘ladi. Shuningdek, u Misrning fath etilishida ham qatnashgan.
Hadisi
Abdulloh ibn Huzofa as-Sahmiy uchta hadis rivoyat qilgan. Undan Sulaymon ibn Yasor, Abu Voil Shaqiq ibn Salama, Mas’ud ibn Hakamlar hadis rivoyat qilgan.
Vafoti
Usmon ibn Affon xalifalik davrida vafot etadi.
Adabiyotlar
Manbalar
uz.wikipedia.org