Abdullaxon madrasasi (Buxoro)
Abdullaxon madrasasi — Buxorodagi Qoʻshmadrasa ansamblining shimolida joylashgan meʼmoriy yodgorlik. Oʻzbek hukmdori Abdullaxon II davri meʼmorligi yetuk namunasi boʻlgan bu Madrasa Buxoro meʼmorchiligining 16-asrda erishgan barcha ijodiy yutuqlarini namoyish etadi.
Tarixi
Madrasaning me’mori nomaʼlum boʻlib, Abdullaxon II qurdirgan. Qurilish ishlari 1997—1588-yillarda boshlanib, 1989—1990-yilar nihoyasiga yetgan.
Joylashuvi
Madrasa Buxoroda, Qoʻshmadrasa ansamblining shimoliy qismida, Modarixon madrasasi roʻparasida joylashgan.
Ushbu va Modarixon madrasalari Qoʻshmadrasa meʼmoriy ansamblini tashkil etadi. Oʻrta Osiyo meʼmorchiligida jabhalari bilan bir-biriga qarama-qarshi boʻlgan ikkita binoning juftlashgan ansambli „qoʻsh“, ikkita madrasaga nisbatan esa „qoʻsh madrasa“ atamasi ishlatiladi.
Meʼmorchiligi
Madrasa tashqi devorlari tarhida gʻarbiy hamda shimoliy peshtoqlarida katta peshravlar mavjud. Maʼlum vaqt bu joyda mavjud boʻlgan hammomga taqalgan janubiy tomonida esa asosiy devordan oldinga boʻrtib-turtib chiqish — peshravbandlik koʻzga tashlanmaydi.
Abdullaxon madrasasidagi masjidda har kuni besh vaqt va juma namozlari o‘qilgan.
Tuzilishi odatdagi madrasalardan ancha farq qiladi. Hovli atrofini ikki oshyonli hujralar oʻrab turadi. Har ikki tomonida galereya va baland peshtoq joylashgan. Peshtoqlar orqali ichkari xonalar va xonaqohga oʻtiladi. Madrasaning katta peshtoqi janubga qaragan. Peshtoq qanotlari va guldastalar sirkor bezaklar bilan pardozlangan.
Darvozadan oʻtib, ikki yoqdagi katta xonalar — darsxona va masjidga kiriladi. Darvoza xotamkori uslubining noyob namunasi — girih shaklli mayda yogʻoch parchalaridan terilgan.
Hovli kompozitsiyasi bir chiziq boʻyicha joylashgan baland peshtoqlari boʻlgan „chorayvon“ usulida bunyod etilgan. Madrasa burchaklarida vestibyullar — miyonxonalarni oʻz ichiga olgan murakkab tarixiy bogʻlamalar yaratilgan. Gʻarbiy qismida keng gumbazli bir xona mavjud. U 2 qavatli hujralar bilan oʻralgan. 2-qavatda uni oʻziga xos galereya — hujralar peshayvonlari xuddi egilib turganday tuyuladi.
Madrasaning bosh peshtogʻidan tashqari barcha tashqi peshtoqlari pishiq gʻisht bilan koʻtarilgan hamda bezatilgan. Asosiy sharqiy peshtoqning oʻrtasida ravogʻi chuqur boʻlgan salobatli peshtoq mavjud. Unda darvozaxona yuqorisida kutubxona peshayvoni oʻrnatilgan.
Darvozaxona peshtogʻi bir paytlar keng kitoba bitiklar polosasi bilan hoshiyalangan. Unda havorang fonda oq rangdagi harflar bilan Qurʻondan olingan oyatlar yozilgan edi.
Restavratsiya ishlari
Bir qancha yillar oʻtishi bilan Abdullaxon madrasasida katta hajmdagi, asosan madrasa old koʻrinishiga eʼtibor qaratilib, qayta taʼmirlandi. Katta hajmdagi tiklash ishlari Buxoroga asos solinganiga 2500 yil toʻlishi tufayli ham amalga oshirildi. Restavratsiya ishlari paytida ikkala madrasa markazidagi maydonchalar pasaytirildi. Hozirda bino peshtoqlari roʻparasidagi supachalar olib tashlangan.
Oʻpirilish
2021-yil 29-dan 30-iyulga oʻtar kechasi Abdullaxon madrasasining orqa tomon devori bir qismi oʻpirilib tushdi. Madaniy meros agentligi mutasaddilari kelib holatni oʻrganishgan, ularning taxminiy hisoblariga koʻra binoni toʻliq taʼmirlash uchun 6 mlrd soʻm mablagʻ talab etiladi. Holat boʻyicha Buxoro viloyat prokuraturasi oʻrganish ishlari olib borib, Jinoyat kodeksining 207-moddasi boʻyicha jinoyat ishi qoʻzgʻatilgan.
Galereya
Manbalar
Adabiyotlar
uz.wikipedia.org
Sun'iy intellekt javobi:
Abdullaxon madrasasi — Buxoro shahridagi qadimiy tarixiy va madaniy yodgorliklardan biridir. Bu madrasaning qurilishi XIV asrda amir Abdullaxon tomonidan amalga oshirilgan. U Buxoro shahrining markaziy qismida joylashgan bo‘lib, islomiy ta'lim va ilmiy markaz sifatida xizmat qilgan.
Madrasaning arxitekturasi o‘z davrining uslubiy xususiyatlarini o‘zida aks ettiradi. Binoning devorlari nozik bezaklar, mozaikalar va arab yozuvlari bilan bezatilgan bo‘lib, bu madrasaning nafaqat diniy, balki san’at jihatidan ham qadrli ekanligini ko‘rsatadi. Ichki xonalar talabalarga ta’lim berish uchun mo‘ljallangan bo‘lib, u yerda Qur’on, ilm-fan, falsafa va boshqa fanlar o‘qitilgan.
Abdullaxon madrasasi Buxoroning ko‘p asrlik tarixiy madaniyatining muhim qismi hisoblanadi. U O‘rta asr Islom ilm-fani markazlaridan biri sifatida tanilgan va ko‘plab mashhur olimlarni tarbiyalagan. Bugungi kunda bu madrasaning qismi saqlanib qolgan bo‘lib, tarixga qiziqqan sayyohlar va olimlar uchun qimmatli manba hisoblanadi.
Madrasaning qayta tiklanishi va saqlanishi Buxoro shahrining tarixiy merosini asrash va yosh avlodlarga yetkazish maqsadida amalga oshirilmoqda. Shu bilan birga, u Buxoroning madaniy turizmi rivojiga katta hissa qo‘shmoqda.