ABDULLA ibn BURAYDA MAQBARASI

ABDULLA ibn BURAYDA MAQBARASI — O’rta Osiyo me’moriy yodgorligi (11-asr, me’mori Abu Bakr). Turkmaniston hududida. Vakil Bozor qabristoni yaqinida joylashgan. Murabba tarhli (tashqi 3,8×3,8 metr, ichki 2,6×2,6 metr) maqbara, tomi — Chortoq gumbaz. Peshtoq yuqorisiga naqsh ishlangan, g’ishtin belbog’ida kufiy yozuvi bor. Ichki qismi (devori va ravoqlari) o’yma va islimiy naqshlar bilan bezatilgan, ular orasida nasx yozuvlari saqlangan.

Manba

O'zbekiston Milliy Ensiklopediyasi