Abdul Hamid (siyosatchi)

Abdul Hamid (1-yanvar 1944-yil) — Bangladeshning 16-chi va amaldagi prezidenti. Bangladesh tarixidagi eng uzoq muddat ishlagan prezident.

Biografiya

Hamid Kishoreganj tumaniga qarashli Mithamain Upazilaning Kamalpur qishlogʻida Muhammad Tayebuddin va Tomiza Xotun oilasida tugʻilgan. Ilk taʼlimni qishloq boshlang‘ich maktabida boshlagan. Boshlangʻich taʼlimni tugatgandan soʻng, Bhairab shahridagi Bhairab KB Pilot High Schoolga kirdi. Hamid Kishoreganjdagi Gurudayal hukumat kollejini tugatgan. Dakka universiteti yuridik fakultetini tugatgan. 1990-96-yillarda 5 marta Kishoregonj tuman advokatlar kengashi raisi boʻlgan.

1959-yilda Gurudayal hukumat kollejining Chhatra partiyasiga kirdi. 1966-67 yillarda partiya Mymensingh tumani boʻlimining vitse-prezidenti etib saylangan. 1969-yil oxirida Avami partiyasiga kirdi. 1970-yilgi Pokiston saylovida Hamid Mymensingh 18-saylov okrugi boʻyicha parlament aʼzosi etib saylandi. 1973, 1986, 1991, 1996, 2001 va 2009-yillardagi umumiy saylovlarda partiya nomzodi sifatida Kishoreganj-5 saylov okrugi deputati etib saylangan. Avami partiyasi hukumati 1996-2001-yil davrda Bangladesh Milliy parlamenti spikeri oʻrinbosari boʻlgan. 2009-yil 25-yanvarda Milliy parlament spikeri boʻldi. 2013-yilda „Mustaqillik“ mukofoti bilan taqdirlangan.

Hamid 2013-yilning 14-martida Bangladesh prezidenti vazifasini bajaruvchi etib tayinlangan. Singapurda kasalxonada davolanayotgan Prezident Zillur Rahmon esa olti kundan keyin vafot etdi. 2013-yil 22-aprelda raqibsiz prezident etib saylandi. 24-aprel kuni qasamyod keltirdi. 2018-yil 7-fevralda u ikkinchi muddatga raqobatsiz qayta saylandi.

Hamid Myanmada Rohinja musulmonlari uchun Birlashgan Millatlar Tashkiloti tomonidan boshqariladigan gumanitar koridor tashkil etishni taklif qildi.

Manbalar

uz.wikipedia.org