Abdon al-Marvaziy

Abdon al-Marvaziy (arabcha: عبدان المروزي — Abu Muhammad Abdulloh ibn Muhammad ibn Iso al-Junujirdiy al-Marvaziy) — muhaddis, shofeʼiy faqihi.

Hayoti

Abdon laqabi bilan tanilgani uchun ko‘pgina manbalarda Abdon ibn Muhammad deb zikr qilingan. Xurosondagi muhaddislardan hadis saboqlarini olgach, Iroq va Hijozga boradi. U yerda Qutayba ibn Sa’id, Ali ibn Hujr va Abu Kurayb kabi allomalardan hadis o‘rganadi. Muhaddislar nazdida siqa. Hijozdan Misrga borib, Imom ash-Shofeʼiyning shogirdlaridan shofeʼiy fiqhidan tahsil oladi va keyinchalik yurtiga qaytadi. Marv shahri muftiysi bo‘lgan. U Xurosonda shofeʼiy mazhabi yoyilishiga o‘z hissasini qo‘shgan faqih Ahmad ibn Sayyordan keyingi o‘rinda turuvchi alloma hisoblanadi. Ibn Sayyorning vafotidan so‘ng, shofeʼiylar turli mavzulardagi masalalar yechimida Abdon al-Marvaziygagina murojaat qilganlar. Shofeʼiy mazhabi imomlaridan bo‘lgan Ibrohim ibn Ahmad al-Marvaziy fiqh ilmini Abdon al-Marvaziydan taʼlim olgan. Shuningdek, Yahyo ibn Muhammad al-Anbariy, Abu Ahmad al-Assoiy va Abu-l-Qosim at-Tabariy kabi zamonasining mashhur olimlari unga shogird bo‘lganlar.

Abdon al-Marvaziy qabri Marvda, Abdulloh ibn Muborak maqbarasi qarshisida joylashgan.

Asarlari

Adabiyotlar

Manbalar

uz.wikipedia.org