Abbey de la Pyer-ki-Vir

Abbey de la Pyer-ki-Vir (fransuzcha: Abbaye de la Pierre-qui-Vire) — sigir sutidan tayyorlangan fransuz yarim yumshoq pishlogʻi.

Taʼmiga koʻra, epuas degan boshqa bir yumshoq pishloqga oʻxshaydi.

Tarixi

Pishloq Pyer-ki-Vir abbarligida ishlab chiqariladi. Monastir 1850-yillardan beri mavjud, ammo abbatlikning yumshoq pishloqlari 1920-yillarda mashhurlikka erishdi.

Tayyorlanishi

Pishloq yil davomida abbatlik podasidagi 40 ta sigirning xom sutidan tayyorlanadi, pishloqni tayyorlashda 85 rohibdan 12 tasi ishtirok etadi. Sut ikki hafta davomida ivitiladi, shundan soʻng u ikki oy davomida quritiladi. Pishloqning pishishi davrida sirtiga namakob bilan yuviladi.

Oziq-ovqat sifatida yangi pishloq ishlatiladi.

Tavsifi

Pishloq boshlari diametri 10 santimetr, balandligi 2,5-4 santimetr va vazni 200-350 gramm boʻlgan yalpoq disk shakliga ega. Pishloq boshi qizil-gʻisht rangli tabiiy yupqa qavariq qobiq bilan qoplangan. Uning ostida zich elastik eti bor.

Bu pishloqning „qishloqcha“ deyiladigan nordonroq, yorqin shoʻrtak taʼmi va hidi bor. U mustaqil taom sifatida ham, grilda tayyorlangan boshqa ovqatlarning bir qismi sifatida ham tanovul qilinadi. Qizil Burgund vinolari bilan yaxshi ketadi.

Manbalar

Adabiyotlar

uz.wikipedia.org