Abashidze

---

Abashidze Irakliy Vissarionovich (1909.10.11, Kutaisi gubernyasi Xoni qishlog‘i — 1992) — gruzin shoiri va jamoat arbobi. Gruziya FA akad. (1960). Gruziya Yozuvchilar uyushmasi boshqaruvi raisi (1953—67). Gruziya Ensiklopediyasi bosh muharriri (1967 y.dan). Asarlaridagi asosiy mavzu — shoirning insonparvarlik burchi, Gruziyaning hoz. va o‘tmishdagi taqdiri («Guriya yashnayapti», 1950; «Yaqinlashish», 1966; «Bu qo‘shiqlar ham — Gruziyamga», 1971; she’riy to‘plamlari, «Rustaveli izidan» poemasi, 1966 va b.). «Yuksak mahorat uchun»(1959), «Do‘stlar, yo‘llar, o‘ylar» (1979) kitoblari muallifi. Oybek, G‘afur G‘ulom va b. b-n ijodiy muloqotda bo‘lgan. Zulfiya she’rlarini gruzin tiliga tarjima qilgan. O‘zbek tilida «She’rlar» kitobi nashr qilingan (1962).

Manba

---

O'zME